Popular Bible Verses from JAKOB 4

Share

Namar kata, to da pynkohnguh ïa lade ha U Blei; hynrei, to ïaleh pyrshah ïa u Soitan, te un phet ïap noh na phi.

To wan hajan ïa U Blei, te un wan hajan ïa phi. To thet noh ïa la ki kti, ko phi ki bapop, bad to pynkhuid noh ïa la ki dohnud, ko phi kiba synrop mynsiem.

To phin pynrit ïa lade ha khmat U Trai, te un pynkhraw ïa phi.

Hynrei, u ai ïa ka jingaiei ba kham bun: naba kumta la ong: “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

Namar kata, ha uba tip ban leh ïa ka babha, bad u bymleh, ha uta keiñ ka long ka pop.

Phi pan, te phim ïoh pdiang, naba phi pan bymdei, khnang ba phin ïoh pynlut keiñ ha kita ki jingkwah brai jong phi.

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

hynrei, haba phim tip ïa kaei ka ban jia ha kaba lashai. Kaba kumno kata ka jingim jong phi? Namar ka long u lyoh uba mihpaw ïa tang shibit, ynda kumta te, u da jah noh jar.