Popular Bible Verses from JAKOB 3

Share

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

Uei u bastad bad u bashemphang hapdeng jong phi? to un da pynpaw da ka jinglong babha jong u ïa kita ki jingleh jong u da ka jingjemnud ka jingstad.

Te ïa u soh ka hok la bet ha ka jingsuk ïa kita kiba pynïasuk.

Namar ha kaba don ka jingpihuiñ bad ka jingpyneh sat, hangta don ka jingkhihwin bad ka jingleh basniew baroh.

Da une hi, ngi kyrkhu ïa U Blei uba U Kpa; bad da une hi, ngi tim noh ïa ki briew, ïa kiba la thaw kat kum ka dur U Blei. Na kajuh hi ka shyntur ka mih ka jingkyrkhu bad ka jingtim. Kam dei, ko parabangeit jong nga, ïa kine kiei kiei ruh ban long kumta.

Te uta u thylliej u long ka ding: kata ka pyrthei ka jingbymhok long u thylliej hapdeng ki dkhot jong ngi, uba pyntngit ïa ka met baroh kawei, bad uba wiang noh ïa ka shalyntem ka jingpynlong, bad la wiang noh ïa u hi da ka jong ka dujok.

hynrei, ïa uta u thylliej ym don u briew uba lah ban pynjuh; u long ka jingsniew bym lah synshar, uba dap keiñ da ka bih bapynïap noh.

To wat long phi ki nonghikai babun, ko parabangeit jong nga, haba tip ba ngin ïoh diang ïa ka jingbishar ba kham khraw.