Popular Bible Verses from Bar. 1

Share

Sikila se mbonela chisoni elomo endayi eya Wele tawe, eli bunyali bwa Wele khuonia boosi basuubila, khurakikhira khu Bayaudi ne khukhwola akhaba khu Bakiriki bosi.

Sikila Elomo Endayi ebuula nga Wele nakholanga babaandu khuba baluungi khu niye omwene. Lili khubirira mu lisuubila, khukhwama mu khurakikha khukhwola khu siakamo. Nga liiandiko ne liboola lili, “Omundu oluungisibwa ne Wele khubirira mu lisuubila alamenya!”

Khukhwama nga Wele ne abaang'ana sibala, liba liewe likhabonekha tawe, bunyali bwewe bwa mindali ne liba liewe lie buwele, bioombi biabonekha abuwaanga, bibonekhana mu biindu nibio Wele abuumba. Khwako babaandu abo se bali ne nisio bebeelakho siosi siosi tawe!

Bamanya Wele, ne kakhali se bamuechanga liria liewe nga Wele tawe, lundi se bamupilanga orio tawe. Sisiilima siayichula mu mebaasio kabwe lundi se kalimo limanya tawe.

Bakaluukhasia bung'ali khu Wele khulwe bubeeyi, basaaya ne khukholela kimilimo nibio Wele abuumba mu bweyaangu bwe khusaaya ne khukholela kimilimo omubuumbi omwene, ofumisibwa mindali na mindali! Amina.

Lirima lia Wele libuulikha khukhwama mwikulu khu bwoni bwoosi ne bumayaanu bwe babaandu bakhiingilila bung'ali bukhamanyikhana tawe khulwe chingila chabwe chimayaanu.

Sikila bakhola kano, Wele abalekhuula bakhole ke liliekoomba lili lie chisoni. Akhaba bakhasi babwe bakaluukhasia kumwiima kwe siikhasi kwa ng'ali, mala bakhola kukhali kwe siikhasi tawe. Akhaba baseecha boosi balekha liba liabwe lie khuba ne bakhasi babwe mala bekoombana babeene ne babeene. Baseecha bakholanila ke chisoni mulala no kundi, mala nga kamakobosio bererera babene siiukuumo nisio bolaana banyoole khulwe likhola liabwe lie sifwaabi. Sikila babaandu abo baloba khura mu mebaasio limanya lia ng'ali khu Wele, Wele abalekhuula babe ne kamebaasio kamakhiikha, nio bakhole bibiindu nibio bakhakhoyeele bakhole tawe.

Baboola bali, bali bakesi, ne khana bali basilu, mu bweyaangu bwe khusaaya Wele omenyile mindali khulwa mindali na mindali basaaya bifwaani bibiang'oonwa biafwaana nga omundu, chinyuni, chisaang'i namwe chimbulu ne chindemu.