Popular Bible Verses from Bar. 2

Share

Ne ewe, musaale, okhola bibiindu nibio okhalakilangakho babaandi! Ewe wibaasia oli olebacha likhalaka lia Wele ku? Namwe wakana ewe olekelesianga bulayi bwewe buli buboofu, liliekhaliilikha, ne liliefwiilisia liewe. Ng'ali omanyile oli Wele ali omulayi, sikila alikho akhaka khukhureera mu bweyaangu khukhwikanila.

Musaale, ewe okhalakilanga babaandu? Akhaba ne oli naanu se oli ne sifuno sikila webacha khukhalakilwa tawe. Sikila nga ewe ne okhalakilanga babaandi mala enyuma okhola bibiindu bibieene ne bibieene nibio nibo bakholanga, wikhalakilanga wamwene.

Sikila Wele arumikhira sikelo silala khukhalakila buli mundu.

Sikila babaandu se baluungisibwa ne Wele khulwe khuulila lilaka tawe, ne kakhali khulwe khukhola niko lilaka lilakiilisia.

Sikila Wele aliaana kumuruuru khu buli mundu khuloondekhana nende niko akholile.

Babaandu babaandi bali be khukhweyenyela lundi baloba kali kamaluungi mala baloonda kali kamakhiikha, lirima lia Wele ne bukhalafu bwewe bilababaakho.

Ne kakhali oli ne kumwoyo kumuandalafu lundi kwe sikakhanyafu, aba nono olikho wereerera wamwene siiukuumo sili siboofu khu Ndaalo niyo lirima lia Wele ne bukhalaki buluungi bulibuulikha.