Popular Bible Verses from Matayo 6

Share

Nakaneni tasaka mono ekingaren Apolou keng ka ngakiro na esaki ngesi anikus, sodi kiinakini ngesi esi ngiboro luche lu daang.

Nyiiriabasi kotere ngakiro na ka moi, kainyo nyikiyeni ngichan luka moi. Ejoikinit ngichan lu a akolongit a apei itemokinosi.

“Ngakiro nugu kesi kalimokinitor esi atamar, kuriasi nyiiriabasi kotere akimuj na isakete esi ka ibore ni imaase esi toyareta. Nyiiriabasi tani kotere ngiworui lu inapete esi. Ani ikoni dang, nyejok akiyar nyidwangit akimuj a? Ani nabo dang, nyejok akwaan nyidwangit ngiworui a?

Nakaneni na ilipea iyong, toloma namaniyat a akai kon togolok ekidor, kilip Apakon ngolo nyiteo. Nakaneni Apakon ngolo itee ibore ngini isubi iyong idait, kiinakini iyong ebachit.

Ejoikinit esi ilipete kona: ‘Apa kosi lo eyei nadis: Ekiro kon kipuroe. Apolou kon bu. Echami kon tosubakin kanege anakwap kona esubar anadis.

Nakinae akolongit na akimuj kosi na itemokino.

Torimakinae ngasechesea kosi kona kirimanakinea sua lu kisechanakinete sua.

Nyikilomak sua nakiningo nakaagongon, nakaneni toyuunae a Lokipe.’

“Ani kirimanakis esi luche ngasechesea na kisechanakinete esi, kirimakini esi dang Apakus lo eyei nadis.

Kingolikisi ngikieny lu eporito. Nyitaate kesi, kori nyelemete, kori nyikachete ngalemet lokerui. Nakaneni itani kesi Apakus lo eyei nadis! Nyikichoikinit esi Akuj noi nyidwangito ngikieny a?

“Nyiiwaa ebari kus kanege anakwap ani epedoreta ngakimam ka ekut akinyasun. Epedorete ngikokolak dang aemakin tokokoa. Ejoikinit iweyete ebari kus anadis ani nyinyasuneta ngakimam ka ekut. Nyepedorete ngikokolak dang aemakin tokokoa. Kainyo epete ngitai kus ni eyei ebari kus.

“Emam itwaan eliwor ekasuban etich a ngikapolok a ngiarei, eremokin epei sodi tominak loche, kori epupi ngakiro a epei dio kimenya loche. Nyipedorete esi akiwap Akuj ta ebari kus.

Akuj alope isubusi nginyia lu a amoni, nginyia lu elibito akolongit na ani moi tongopiasi kinomae alokeno. Ikoni eger lo epedori ngesi akitanap esi ai? Etige esi ngitunga lu inupito wadiochichi!

Nakaneni na iinakinea iyong ngikebootok ibore kon, tochoik nyeeyen akan na alokedieny ibore ni esubi na aloteten. Ejoikinit erai akiroit kon bon a ilope. Nakaneni Apa kon ngolo itee ibore ngini isubi iyong idait, kiinakini iyong ebachit.

“Warasi nyiiwap ngitalio a Akuj alotunga sodi kipuruunere esi. Ani kiwap esi kitaanyungareta ngitunga, nyianyunete esi ebachit ani ka Apakus alo eyei nadis.

“Ani kiron esi, nyiitasionokinosi loger lo itasionotor ngikamodeanak. Eloose kesi ebilakinito ngireetin sodi toyenunea itwaan daang atamar eronito kesi. Kalimokinit esi dir atamar, aanyut kesi ebachit kech lo itemokino. Ani ironete esi, kilotasi ngireetin kus sodi kikiarasi ngitim kus. Sodi nyeyeneta luche atamar ironito esi. Apakus ngolo nyiteo ngesi bon eyeni. Nakaneni Apakus ngolo itee ibore ni isubi iyong idait, kiinakini iyong ebachit.