Popular Bible Verses from Matayo 7

Share

“Kilipas nakaneni ianyunete. Tasaka nakaneni iriamunete. Kidongodongo nakaneni kingaario esi.

Kainyo itwaan daang ni ilipa einakinio, ani ngini esaki eanyuni, nakaneni engaario ekidor kotere ngini idongidongi.

“Kongina, itwaan daang ni iirari ngakiro nakang nu nabo kiwapak, ikoni itwaan nikooson ni aduki akai lokitela.

Tosubeta luche nguna isakete esi kesi kitosubeta esi. Nguna kesi idodiunit etal a Musa ka ngakitatamet a ngikadwarak a Akuj.

Nakaneni ediding ekidor lo a akiyar. Erot lo eteni inaa etieno nakaneni ekidioko ngitunga lu eanyunete.

“Tolomasi kitoro lokidor lokaadingan, kainyo ebalany ekidor lo elosere lonyas, nabo elolom erot lo eteni inaa, elalak lu itorete neni.

Tani iyenete esi luaronok ainakin ngide kus ibore niajokon, nyepedori Apakus lo eyei nadis ainakin esi ngiboro luajokak ngulu ilipasi a?

“Nyiirirata luche sodi nyikirira esi Akuj, kainyo kirirae Akuj esi aloger alopei iriraata esi luche. Kirirae ngesi esi a ngitalio alupei iriraata esi luche.

Nakaneni itwaan daang ni iirari akiroit kang sodi nyiiwap, ikoni itwaan nikabangaanan ni aduki akai keng nasinyonoit.

Nyo iteo iyong ekame anakongu a lokaatokon, tarai nyitee iyong atagoroit na eyei nakongu kon? Ikokini iyong ilimokini lokaatokon tama, ‘Kimiek kare atolema ekame anakongu kon’. Tarai eyei iyong ilope atagoroit nakongu kon ai?

“Tochoikinos ani eya ngikadwarak lukaliokok. Epote kesi nikus epataka ikote ngamesekin nakaneni alotai ikote kesi ngipeei lukanyamak. Iyenete esi kesi kanguna esubete. Nyerayete ngitiira ngamusabib, kori nyekokete ngimomwa ngameyana.

Ekoniuni ekitoe loajokon ageor naajokon nakaneni ekitoe loaronon ekoniuni ageor naaronon.

Emam ekitoe loajokon lo ekoniuni ageor naaronon. Emam ekitoe loaronon lo ekoniuni naajokon.

Ekitoe daang lo nyekoniuni ageor naajokon eyapario sodi tochakakinae nakim.