Popular Bible Verses from Matayo 5

Share

Emam itwaan inokakini ataa sodi tobuburik atubwa. Iwaakinio ni ikeuna kinwakunea ngitunga daang alokai. Aloger alopei kangolo, ejoikinit akicha kus ekwanguni alotunga sodi taanyungareta kesi ngitichisio kus luajokak, kipuruut Apakus lo eyei nadis.

“Ikwaan esi ka akicha alotunga a akwap. Ere ngolo edukokinitae kidiama emoru, ileere.

Epiarit Akuj ngulu ikiuna ngitai. Kainyo eanyungarete kesi Akuj.

Epiarit Akuj ngulu iitanito akiwap ngakiro na echamit Akuj, loger a itwaan ani enyamit akoro ka akure. Kainyo isimwonio kesi noi.

Kalimokinit esi tokona atamar: tominakisi ngimoe kus kilipakisi Akuj ngulu kiboliatar esi.

“Epiarit Akuj ngulu eyenete atamar eringa kesi nyenupa ngakiro a Akuj. Kainyo erai Apolou a Akuj akech.

Epiarit Akuj ngulu esakete akisisil ngitunga. Kainyo enyarae Akuj kesi ngide keng.

Epiarit Akuj ngulu ialolongete. Kainyo isililingi Akuj kesi.

Epiarit Akuj ngulu eboliare ani iwapitotor ngakiro na echamit Akuj. Kainyo erai Apolou a Akuj akech.

Epiarit Akuj ngulu isieniyenete luche. Kainyo isienio kesi.

“Kipiarit Akuj esi lu kingeritoe, kitoboliare nabo kitingakin ngakiro naaronok kotere ayong. Talakaros kichuro, kainyo eyei ebachit loapolon nadis kidaritere esi. Aboliatar kolong ngitunga ngikadwarak a Akuj lungorok loger lopei ngolo.

Epiarit Akuj ngulu epalaaka anikeng. Kainyo eanyunete kesi nguna ichikakinit Akuj.

“Ikwaan esi ka amakat alotunga a akwap. Nakaneni ani kepener amakat, emam kona itababaruunio nabo. Eliwor ngesi ibore pasit, echakario kipudata ngitunga.

Ejoikinit esi ikiuna loger lo ikiunakar Apakus anadis!

Tolim atamar: ‘Kongina’ kori ‘Meere kongina’. Ngakiro ngache na iatakini iyong eponito ani a Ekipe.

“Iirasi atamar abeyo: ‘Etachakin akongu nakongu nache, sodi totachakin ekelae lokelae loche’. Nakaneni kalimokinit tokona esi atamar, nyiitachak ngakiro naaronok na kisubakinea iyong itwaan. Ani kibap iyong itwaan namatengen na aloteten, toreik na alokedieny dang kibap.

Ani kitosech iyong akongu kon na aloteten, tout tochaka. Ejoikinit ekinier kon epei engwali, akidwang akwaan kon daang echakakinio nanam na a akim. Ani kitosech iyong akan kon na aloteten, totub tochaka. Ejoikinit ekinier kon epei engwali akidwang akwaan kon daang echakakinio nanam na a akim.