Popular Bible Verses from ECLESIASTÉS 6

Share

Ñapash chinganallacuna munangapaj randica, imata ricushpa charishcahuan cushijunami ashtahuan ali. Chaipash yangallami, yuyaita shaijuchingapajllami.

Imapash cunambi tiashcapash, ña pundallatami quiquin shutihuan tiarca. Runa imashna cajtapash yachanchimi. Runaca, paitapash yali ushaita charij Dioshuanga, na chimbapura shayari ushanllu.

Taita Diosca, runapaj shungupi imata munashcata carashpami, imatalla charijtapash alicachi tucushca causanatapash ruran. Ashtahuangarin Taita Diosca, chai tucuita charishcacunamanda cushijuchunga, na saquinllu. Shina cajpipash na rijsishcacuna cushijuchunmi caran. Chaipash yangami, nali jatun llaquimi.

Tucui imatalla runa rurashcapash micungapajllami. Shina cashpapash paicuna munashcataca, na pactachinllu.