Popular Bible Verses from ECLESIASTÉS 7

Share

Cambaj yuyaipica, ama ñapash fiñaringuichu. Shinlli shungu runacunapaj yuyaipimi, chashna fiñarinaca tiajun.

Ali punlla chayamujpica, chai punllapi cushijunguilla. Nali punlla chayamujpica, aliguta yaringui. Cushijuitapash, llaquitapash Taita Diosmi churarca. Chaitaca, caya punllacuna ima canatapash runa ama yachachunmi, shina churarca.

Chairalla callaringapaj randica, imata ruranatapash ña tucuchinami ashtahuan ali. Jariyashca yuyaihuan canapaj randica, na ñapash fiñarij yuyaita charinami ashtahuan ali.

Cai pachapica, imatapash cashcatapacha ruraj, alitalla ruraj ima horapash juchata na ruraj runaca, shujllapash napacha tianllu.

Ali yachajushca canaca, jarcarina jirrushnami, culquipash jarcarina jirrushnallatami. Ashtahuangarin ali yachaica, alipacha yachajushcacunaman causaita cuj cashcamandami ashtahuan ali.

Mishquillagu ashnajujta javirinapaj randica, tucuicuna alicachishca canami ashtahuan ali. Huacharina punllapaj randica, huañuna punllami ashtahuan ali.

Shinlli shungu runacuna candajujta uyanapaj randica, alipacha yachajushca runa jarcashpa rimashcata uyanami ashtahuan ali.

Jatun micuita ruranajuj huasiman rinapaj randica, huañui tiaj huasiman rinami ashtahuan ali. Chai punllami, tucui runacunapaj causaica tucurin. Causaj runaca chaita ricushpami, shungupi yaringa.

Alipacha yachajushca runacunaca, huañui tiaj huasiman rinatami yarianajun. Ashtahuangarin juizu illaj runacunaca, cushijui tiaj huasiman rinatallami yarinajun.