Popular Bible Verses from 1 TIMOTEO 4

Share

Pipash candaca, chairalla viñai cajpilla nalicachinman. Ashtahuangarin crijcuna canda ricushpa catichunmi, aliguta parlaj, aliguta causaj, juyaita charij, Diospaj Espirituhuan causaj, alipacha crij, ima nalitapash na yarij cana cangui.

Cuerpo shinlliyachun pugllanaca, ashapajllami ali. Ashtahuangarin Diosta yarishpa causanaca tucuipajmi ali. Shina causashpami, cai causaipaj, jipa causaipajpash carashapacha nishcataca japinata charin.

Imashna causanatapash, imata yachachinatapash, aligutapacha canllata yaringui. Shina aliguta rurajushpallami, cambash quishpiringui, can villajujta uyajcunapash quishpiringa.

Diospaj Espiritumi, aligutapacha cashna nishpa tucuita villajun: Tucurimui punllacunapica, huaquingunaca crishcatapash saquingami. Chaicunaca, umachij ayacuna, pandata yachachij ayacuna yarichijpi yachachishcatarami uyanajunga.

Diosta yangapi churaj parlocunata, paya huarmicunapaj parlocunataca, uyaitapash na uyanachu cangui. Diosta yarishpa causanatallami yarina cangui.

Ñuca shamungacaman canga, Diospaj Shimitaca leyijungui, aliguta yarichishpa rimangui, yachachingui.