Popular Bible Verses from 1 TIMOTEO 3

Share

Diosta yarishpa causanaca, pipash na yachashca ninan juyaillagumi. Chaitaca, pipash na imata ni ushangachu: Taita Diosca, aichayu tucushpami shamurca. Diospaj Espiritumi, paitaca imatapash cashcatapacha ruraj cajta ricuchimurca. Angelcunapashmi, paitaca ricunajurca. Na israelcunamambash, paimandaca villanajunmi. Paitaca, cai pachapi causajcunapash crinajunmi. Paitaca, jahua pacha punchapambagupipash chasquircami.

Crijcunata ricushpa yachachijca, pipash na juchachijpi causajmi cana. Shujlla huarmihuan causaj, pitapash na pugllarij, aligutapacha yarishpa purij, pipash alicachijpi causajmi cana. Mingachishpapash cushijushpa mingachij, yachachitapash aliguta yachachijmi cana.

Paipaj huasipi causajcunatapash, aliguta mandaj cachun, paipaj huahuacunatapash, imapipash aliguta causachun, yachachishpa cazuchij cachun.

Crijcunata ayudajcunaca, shujlla huarmihuan causaj cachun. Shinallata paipaj huahuacunata, paipaj huasi ucupi causajcunatapash, aliguta ricushpa yachachijcuna cachun. Crijcunata ayudaj aliguta pactachishpaca, ninanda alicachi tucunatami japin. Shinallata Cristo Jesustapash, ninanda crishpami yarianajun.