Popular Bible Verses from LUK 12

Share

Asha mama 'imɛ ma ya, iwɛnɛ ti Yɛu Bụtụ ye ci na auwa na ehi heŋshi shi.

Ama ga shɛ Cɛnjɛ-ta-tugwama tu bwa ahia jalakaka maa kede i shɛ inɛ ɛtɛ o, nazhɛ bɛɛ zhɛ ma hi kaana ijɛ ɛtɛ kpaaŋ.

Ge Jisus hiɛŋ aŋ, Na nda ma pece maa hi no shiyono eshe iwɛ ukwedeyi iyi elele ti'yaga, iwɛnɛ ti yaa shɛ shɛ ni iyi nɛ bụtụ 'yajɛ uraiŋ tugom namɛ.

Ofwo na kaa uduciya hiŋ namɛ, apata du shihaŋsa shi hiŋ shi zhɛ sha nama.

Gaaba eri baa kaana ụnjɛswa ubwa okwo uvwuna uko, okwo yaa kwụlanɛ bụụ?

Nazhɛ ge Jisus hiɛŋ eseshi-iyi ubwa, Mo hi mbiso maa, Kede iwɛ ikɛnyi hiŋ ihi to, iwɛ iyi nɛ ɛhi zhɛ hia ya, kwo kaa iwɛ iyi nɛ ɛhi zhɛ hio urugono.

Ama e mepi okwo ofwugwo tihiŋzhe tu uhiuhiu hiŋ hwɛɛ. Ta nda ma inyɛsɛ o, hi 'yajɛ ule ehi hwuri esunyisunyi ofwugwo.

Ta nda ma inyɛsɛ ahiɛba unyama wa agwụdụ ga tidice o, iwɛnɛ ti yaa kwụlanɛ Bishi hiŋ maa ma hi pana Cɛnjɛ-ta-tugwama.

Ama na haŋsa ma tebiye iwɛ agwaagwaa, a na bɛrɛ shɛ, a na gwubi shi, a na zasa umwono i'wɛŋnɛ tuzwono kwo kaa urubwu. Ama hiɛ 'yajɛ ule ehi hwuri shanụnụ sha ata duwa!

Kede iwɛ iyi nɛ ɛhi zhɛ hia ya ni iyi nɛ ɛhi zhɛ hia swa ihi to, maa hi na jalakaka iŋ o.

Yaa shɛ Agwatana a ndana ambɛ na namɛ hwayɛ ga ne ehilo a na kaa zhɛ o hwoŋno beyi iyi gɛnɛ ɛtɛ, asha ahiɛba tubaa? Bi zha shɛ suu mo hi urugono tugwuno, ahiɛba atwa rishe-tɛtɛtana ri ticwɛŋ?

Iwɛnɛ ti yaa zasa iyi elele nɛ ee urigeni, aa zha shɛ o ushigo, i zasa kaa iyi nɛ ee sweci, aa zha shɛ ɛ vwɛ maa e mepi iŋ.