Popular Bible Verses from LUK 11

Share

Ahiɛba na hiɛ shɛ atwa awɛ, yaa shɛ ehi mepi gana na i shɛ maa hi na pana miaụŋ mi hiŋ iyi ibiye, asha Bishi hiŋ na namɛ na azuba, bi zha shɛ suu ba pana atwa na a lụpa bu Mpiala mi Tijilo?

Gabata du Omo hi mbiso maa, Na lụpa ma, ɛ zhɛ ma hi pana, na jalakaka ma, hi zhɛ hia ta ugbe, na pa ma ukpa iyi, ɛ zhɛ ma hiɛ kapɛshɛngana.

Bụtụ be elele na ba lụpa, ɛ zhɛ a pana bụ, bụtụ be elele na kaa ba jalakaka, bi zhɛ ba ta ugbe, bụtụ na kaa ba pa ukpa iyi, ɛ zhɛ a kapɛshɛngana bụ.

Ge Jisus hiɛŋ aŋ, Aka na ahia nda adua, hiɛŋ ma: Bishi, ge izeci bu jirimi, ga Cɛnjɛ-ta-tugwama tụ bụ ti zhɛ.

Na tu gangana tu'wanganga tu tu, iwɛnɛ ata gangana du atwa elele na ma tu 'wangana. To no tu tocingo na tumanga o.

Na tu pana iyimɛyɛ nɛ itu to ukekeshi iyi-heri.

Rishe rụ bụ rụba rɛ shɛ ụsụtụla u tu'waba tụ bụ. Aka na rishe rụ bụ rụ namɛ fwaaŋ, asha tu'waba tụ bụ ti zhɛ ta sha uhioko-uhwaŋna kpaaŋ. Ama aka na te rishe rụ bụ rɛ shɛ rishe rụ wɛ, asha tu'waba tụ bụ ti zhɛ ta sha tishi kpaaŋ.

I zasa bụtụ zhɛ bo shiyono ụsụtụla ubwa ulwa, maa sho uŋ no ofwo tusweci o, kwo kaa maa urugonu uŋ umudu o. Ama bi zhɛ ba patana uŋ nu uteburu-ụsụtụla, iwɛ maa u no hiokono atwa elele na teni apata uhwaŋna.