Popular Bible Verses from Mə́líkusu 14

Share

Yə́susu a sɛ́á: «Á Ába, á Isə́, ata bɔkɔa bɔ́ sa ósó ɔwáwɔ ɔyáyɛ́na, ə́kə́nə́síə́ yɛ́ɛyɛ ɛnyɛ́ná hata na mɛaŋɔ́á! Tátá ɛ́sɛ́á mɛ ndɔ siə, mba, ɛ́sɛ́á ɔ ndɔ siə!»

Nɔ́ tuə́nə́ ɛmbɛnyɛ́, nɔ́ Huɛlɛ́ bɛ́kálákɛ́na ɔkɛaka ɔwá, nɔ lɛ kɔ́á ɔ mɔkɔ́lɛna. Mɔlɛ́má wɔ́ lɛa úndúə́tɔ́ na makɛ́nda, mba, mɛɛ́lɔ yɛ́ lɛa tɔmbɔ́kɔ́tɔ.»

Ɔ taká, mɛ ndɔ bənú nɔ́yɛ́ lɛna ɔwá, ata hə́ə́ní bá ŋɔ Imbə́nú Yɛɛsɛ yəmbələkəniə, ɔ misí mikimə, bá ŋɔ laaka na ɛbɛ́kɔ́lɔmɔna yatɛ́ ɔyɛ́á a ná kɛ́áka.»

A ná bəə́bu lɛ́na a sɛ́á: «Wə́míə́ mɔlɛ́má wɔ́ lɛa na busə́kə ɔ ɛnya yɛ uwə́ə́. Nɔ́ tuənə́ háha, nɔ bá ɛmbɛnyɛ́.»

Ikúílí yɛ́ nɛnɛ́á, Yə́susu a ná bɛlɛ́tɛ ɛta, a ná Huɛlɛ́ mohóloniə híə́níníə́, a ná mɛɛ́ta bísə́níə́, a ná bəə́bu mɛɛ́ta índíə́, a sɛ́á: «Nɔ́ ɛ́ta, ɔ́ yamɛ́á mɛɛ́lɔ yɛ́ɛyɛ.»

Əlimə yɛ nɔ́yɛ́, a ná ɛnyɛ́ná yɛ́ məluku ɛtá, a ná Huɛlɛ́ mohóloniə híə́níníə́, a ná bəə́bu índíə́, bá ná nyákɛ́ná bəə́bu bəkimə. Yə́susu a sɛ́á: «Máama, má lɛa mámɛ́á manɔ́ŋɔ́, manɔ́ŋɔ má nɛtɔana niɔ́sɔ ɔmá má ná ólókílókíə́ ɛlɔ́áyɛ́ bɛndɔ.

Yə́susu a ná báyɛ́á bɔkɔ́nɛna lɛná a sɛ́á: «Bənú bəkimə, ɛkasɛ nɔ kɔakɔna bɔkɔasɛ́á, yɛ́ lɛa tilə́kə́tɔ́ yɛ́ sɛ́á: “Mɛ ŋɔ mɔtátá ɛndɔ́mbá ɔ́nɔ, ɛndɔ́mbá yɛ́ ŋɔ sámbána.”»

Nɔ́ hɔalɛ́na! Tɔ ənú akana! Mɔndɔ ɔwá ɛkasɛ a mɛaŋɔ́á sɛ́má, a nɔ́ ndafama.»

Yə́susu a sɛ́á: «Ɔ taká, mɛ ndɔ aŋɔ́á lɛna ɔwá, ɔ bulúə́ bɔ́ niɔfɛ́nɛ, ubusíə́ ɔbɔ́á miɔkɔ́ yɛ́ lɔ́ŋɔ́ bikúílí bɛ́fandɛ́, ɔ ndɔ mɛaŋɔ́á bɛ́sáŋɔ́naka bikúílí bɛ́lálɔ́.»