Popular Bible Verses from Mə́líkusu 13

Share

Bɛndɔ bəkimə bá ŋɔ bənú kóyokiə ɛlɔ́áyɛ́ nɛ́ámɛ́á niínyə, mba, wɛ́ɛ́yɛ́ ɔwá a ŋɔ tiŋiminə ɔkafámáká ɔ nisúki, Huɛlɛ́ a ŋɔ wɛɛ́ya nuəkəniə.»

Nɔ bɛ́tátáka, nɔ́ túə́nə ɛmbɛnyɛ́, ɔ taká nɔ lɛ ndɔ manya ɔ uyə́níə́ ikúílí yɛ́ ŋɔ ndafama.

Ɛnáká bá bənú ákánána ɔ uwənú ɔsɛma, nɔ lɛ sə́híníə́ ubusíə́ bɔ́ ikúílí yatɛ́ ɔyɛ́á nɔ ŋɔ laaka, yatɛ́ ɔyɛ́á yɛ́ ŋɔ bənú bíndiə ɔ yɛ́táyɛ́ ikúíli, nɔ yɛɛ́ta fə́mə́lə́níə́ bɔkɔasɛ́á, tátá bənú nɔ ŋɔ hɔ́ɔ́kɔ, mba Umbúínyi Mɔnaŋanaŋa.

Nɔɔ́mɛná na misí bá ŋɔ tɔ́mba, mba bɛ́ámɛ́á bɛtambá bɛ́ sa ndátɔmba.

Mba ɔ bɔ́táyɛ́ buɔsɛ́ ata ɔ wútə́yí ɔŋgɛ́ŋɛ́ mɔndɔ a lɛ ndɔ manya, ata bɛáŋgɛlɛ bɛ́ nɔɔ́mɛná, ata Mɔná, ɔ́maná á Isə́ bíbúə́.

Ikúílí nɔ ŋɔ ɔ́kɔ́kɛna bá ndɔ hɛ́na ɛlɔ́áyɛ́ bilə́ na tɔsɔkɔ́sɔkɔ tɔ́ bilə́, nɔ lɛ kɔlɔma: Ɔ taká, bɛ́táyɛ́ bikimə bɛ́ ná hɔ́ánana ɔbɛ́kɛa. Mba, nisúki nɛ́ sɔ́ ŋɔ bá nɛ́ nɔ́ ndafama.

Nɔ́ bámɛ́nɛ́ná ɛmbɛnyɛ́, ɔ taká nɔ lɛ ndɔ manya ɔ ikúílí ɔyɛ́á muití ɔmbɛ́la a ŋɔ ndahiana, bɛkɔlakɔ́lá mbá ata ətíə́ yɛ nəbulúə́, ɔ nɛlɔ́ŋɔ́ miɔkɔ́ ata siísíə́, ɔkɛaka ɔwá, a lɛ bənú fámɛ́ná həmə́tu, á bənú níbə́ ɔ hinó. Yatɛ́ ɔyɛ́á mɛ ndɔ bənú lɛna, mɛ ndɔ nɔ́yɛ́ lɛna ɔ bəkimə: Nɔ́ bámɛ́nɛ́ná ɛmbɛnyɛ́.

Ɔ taká, mɔnɔŋɔ má ŋɔ tátána ɔ bilə́, ɛ́sɛ́á mamanɛna; ɔ bɛ́mɔtɛ́ bɛbɔ́ka misí yɛ́ ŋɔ ndandɛmaka, mətíli má ŋɔ báá məəŋí. Yɛ́ ŋɔ báá nibotólíníə́ nɛ́ məsə́kə má nibíə́nə.

Yɛ́ lɛa hɔ́ánánátɔ́ ɔwá, bá taŋá ɔ Imbə́nú Yɛɛsɛ uyəmbələniə ɔ bɛndɔ bá mɔnɔŋɔ məkimə.

Bɛndɔ bəəŋí bá ŋɔ ndasákɔ́na ɔ ɔwámɛ niínyə, bá ŋɔ laaka bá sɛ́á: “Mɛaŋɔ́á mɛ́ lɛ́á Mɛ́sia”, bá ŋɔ bɛndɔ bəəŋí nənəsəkiə.

Nɔ́ báá ɔ bɛtátɛ́ná. Bá ŋɔ bənú sɛmaka ɔ bəkə́lə́siə, bá ŋɔ bənú súbə́kə ɔ məə́bə má mabɛ́kálɛ́na. Nɔ ŋɔ káláka ɔ busíə́ bɔ́ bamanɛna na bənəni ɛlɔ́áyɛ́ ámɛ: Ɔmɔ́tɔ́yɛ́ mbá nɔ ŋɔ imbóŋi kusənə.

Bɛmɛ́sia bɛ́ bɛkanja na bɔhɛ́nátɔtányɛ́ bá bɛkanja bá ŋɔ fámáka, bá biələ́mənə bɛ́ bɛkɔa kɛ́áká na bisə́mə́tə́, ɛlɔ́áyɛ́ bááyɛ́ unənəsiə ɔbá Huɛlɛ́ a ná tɛ́fá ɛ́bá nɔ́yɛ́ óso ɔ ɔbɛ́kɛa.

«Mba ɔ mátáyɛ́ mɔɔsɛ́, əlimə yɛ mátáyɛ́ məsə́kə, hiɔtɔ́tɔ́ hɛ́ ŋɔ yɔtɔ, muilí wɔ́ sɔ́ ŋɔ nɔma tɔ́na, tusənji tɔ́ ŋɔ kɔakɔna ɔ húlə́kinə ɔ ɔmbáŋá, mənjiŋə má nɔɔ́mɛná má ŋɔ bínyúkəkə.