Popular Bible Verses from Lúkasɛ 9

Share

Yə́susu a ná bəkimə lɛ́na a sɛ́á: «Ábá mɔndɔ a ndɔ siə ɔndasá na mɛaŋɔ́á, á bɛ́sáŋɔ́ná wɛɛ́ya bɛ́múɛ́tɛ́, buɔsɛ́ tɛ́á á wə́yíə́ ɔmbásá túáná, á mɛaŋɔ́á ɔ́ŋgɔ́kɔ.

Ɔ taká, wɛ́ɛ́yɛ́ ɔwá a ndɔ siə ɔwayɛ́ buɔmɔ́ unuəniə, a ŋɔ bɔɛ́ta nyúə́kiə. Mba, ɔwá a ŋɔ bɔ́áyɛ́á buɔmɔ́ nyúə́kiə ɛlɔ́áyɛ́ ámɛ, a ŋɔ bɔɛ́ta nuəkəniə.

Yə́susu a sɛ́á: «Ata ɛ́yánɛ́ ɔwá a ná buolí botólíə́ mbá a ndɔ hiama əlimə, a lɛ báá hɔ́ánánɛ́nátɔ́ ɔ Nɛmanɛna nɛ́ Huɛlɛ́.»

Yatɛ́ mɔsɛ́ŋɛ́ mɔndɔ a ndɔ kusənə ɛlɔ́áyɛ́ nɛbɔ́ŋɔ nɛ́ misí mikimə ukusənə mbá a ná bɔ́áyɛ́á buɔmɔ́ nímə́síə́ əə́? Yatɛ́ mɔndɔ a óso uwíndiə ɔkɛaka ɔwá a bɔ́áyɛ́á buɔmɔ́ háŋɔ́ná əə́?

Ɔ taká, ábá mɔndɔ a ndɔ sɛ́ma ɛlɔ́áyɛ́ ámɛ na bɛ́ámɛ́á bɛtambá, Mɔná wa mɔndɔ a ŋɔ sɛ́ma ɛlɔ́áyɛ́ ayɛ́ ɛnáká á húlə́ ɔ ɔwayɛ́ tuúmə tɔ́ Isə́ na tɔ́ bɛáŋgɛlɛ bɛnaŋanaŋa.

A ná wɛɛ́ya lɛ́na a sɛ́á: «Bɛhakɛ bɛ́ báka na imbóko, tunoní tɔ́ báka na maana; mba, Mɔná wa mɔndɔ a lɛ ayɛ́ báá na nɛsianɛ́ná.»

A ná bəə́bu lɛ́na a sɛ́á: «Ata ɛ́yánɛ́ ɔwá a ná mɔná ɔ mɔtɛ́tɛ́á káhá ɛlɔ́áyɛ́ ámɛ, ɔ ɔwámɛ á ná kaha: Wɛ́ɛ́yɛ́ ɔwá a ná mɛaŋɔ́á káhá, a ndɔ wɛ́ɛ́yɛ́ káha ɔwá a ná mɛaŋɔ́á lɔma. Ɔ taká, wɛ́ɛ́yɛ́ ɔwá a lɛ́á mɔtɛ́tɛ́á ɔ uwənú ətíə́, wɛɛ́ya a lɛ́á mɔŋɛ́ŋa ɔ ɔyáyɛ́na.»