Popular Bible Verses from Lúkasɛ 8

Share

Mɔ́mɔtɛ́ məfumə́ má ka kɔakɔna ɔ misí mɛɛsɛ: Ɔ́ bɛndɔ ɔbá bá ndɔ ɛtambá ɔ́kɔ na mɔlɛ́má muɛsɛ, na taká. Bá yɛɛ́ta tə́tə́niə na nisíbiniə, bá tɔtámátámá hákɛna ɔ ɔyáyɛ́na.»

Məfumə́ ɔmá má ná kɔakɔ́na ɔ ətíə́ yɛ bɛkɛlɛ́, ɔ́ bááyɛ́ ɔbá bá ndɔ ɛtambá ɔ́kɔ, mba bisə́hísə́hí, nɛbɔ́ŋɔ na mətəkunə má buɔmɔ́ má ɛtambá fɔ́ta, yɛ́ lɛ tɔtámátámá tɔ́ ɔ́nɔ́kɛ́nátɔ́ haa.

Bɔ́mɔtɛ́ bá báka ɛ́sɛ́á misí yɛ hiɔ́na. Ikúílí bá ná ɛtambá ɔ́kɔ́, bá yɛɛ́ta kusənə na nɛhɔnɔ; mba, bá lɛ niása ɔwá ɛtambá yɛ́ ɔ́nɔ́kɛ́na, bá ndɔ lumininə tɛ́tɛ́á yɛ ikúílí, mɔkɔ́lɛna má ndáfámá bá bísúə́lə.

Nɔ́yɛ́, a ná bəə́bu lɛ́na a sɛ́á: «Hə́níə́ yənúə́ ilumininə yɛ́ lɛ́á əə́?» Bɔkɔ́lɔ́ma bɔ́ ná bəə́bu itíə́; bá ná ə́lə́mə́nə, bá hɔ́ɔ́kɔ bəə́bu na bəə́bu bá sɛ́á: «Ɛ́yánɛ́ mɔndɔ wɔ́ɔwɔ əə́? Ata umbúínyi na mənífə́, a ndɔ manɛna, yɛ́ ndɔ wɛɛ́ya ɔ́kɛ́na.»

Ɔmá ɛmɛ́ŋɛ́ yɛ ɛnɔ́mɛ, ɔ́ bɛndɔ ɔbá bá ndɔ ɛtambá ɔ́kɔ, mba, umbúínyi mɔbɛ́á wɔ́ ndáfámá, wɔ́ ɛtambá húliə ɔ uwəbú mɛlɛ́má ɔkɛaka ɔwá bá lɛ lumínínə mbá bá sɔ́ ŋɔ nibínuəniə kusənə.

Ɔ taká, bikimə ɔbɛ́á bɛ́ lɛ́á bítímə́tɔ́ bɛ́ ŋɔ fámálana ɔ ɛnjaŋɛnjaŋɛ yɛ buɔsɛ́, bikimə ɔbɛ́á bɛ́ lɛ́á inditiə bá ŋɔ bɛɛ́ta manya, bá ŋɔ fə́mə́ləkəniə ɔ mianyɔ́.

Ɛnaka muəndú a yámá ɔwá bá ná wɛɛ́ya núnə́, a ná húlə́ a ndɔ kílímə, a ná kɔ́á á Yə́susu makɔlɔ́, a ná nífúnə́kə́ ɔ busíə́ bɔ́ bɛndɔ bəkimə ɛlɔ́áyɛ́ yatɛ́ a ná wɛɛ́ya itíə́línə, nəníə́ a ná niŋə́ ɔ umisíúmə́. Yə́susu a sɛ́á: «Á wamɛ́á mɔná, yawɔ́á ilumininə yɛ́ ná aŋɔ́á núə́kə́níə́, káka ɔ bumbə́nú nuúmə́.»

Bɔkɔ́nɛna bá ná bɛ́nyálɛ́la ɔ ɔwayɛ́ ɛmɛ́ŋɛ́, bá ná wɛɛ́ya hunyə́kíə́ bá ndɔ yə́mə, bá sɛ́á: «Á Isə́lúkú, á Isə́lúkú, bɛ́ sɛ́á tɔ nɔ́ ákána uwə́ə́!» Yə́susu á hɔnyɔ́á, a ná iŋunu na umbúínyi bámálɛ́na, wɔ́ ná nə́yə́níə́. Ɛbɔ́ka yikimə yɛ́ ná náyá yə́ə́bu.