Popular Bible Verses from Lúkasɛ 12

Share

Bənú tɔ́na, nɔ́ túə́nə́ ɛmbɛnyɛ́ bɔkɔasɛ́á, Mɔná wa mɔndɔ a ŋɔ ndasá ɔ ɔŋgɛ́ŋɛ́ ɔwá nɔ sɔ́ ŋɔ manya.»

Mba, nɔ́ síə́kə ɔbánɔ́ ɔ nɛ́áyɛ́á nɛmanɛna, nɔ́yɛ́ a ŋɔ bənú bɛ́ɛ́yɛ́ bikimə índiə ɔ ɔyáyɛ́na.

Ɔ yɛ́ɛ́yɛ́ ikúílí a ná bəə́bu lɛ́na a sɛ́á: «Nɔ́ ɛhɔ́tɔ́hɔ́tɔ bítə́tə́kə́níə́ muɛsɛ bɔkɔasɛ́á, buɔmɔ́ bɔ́ mɔndɔ bɔ́ lɛ báá tiŋímínə́tɔ́ ɔ ɔwayɛ́ maasɛ, ata nəníə́ a lɛ́á bɔ́ŋɔ́tɔ́ ɔ ɔyáyɛ́ná.»

Ɔ taká, ɔhá níə́núə́ nɛbɔ́ŋɔ nɛ́ lɛ́á, ɔ ɔmɔ́tɔ́yɛ́ tɔ́na wə́núə́ mɔlɛ́má wɔ́ ŋɔ bámɛnɛna.»

Ɛ́yánɛ́ ɔ uwənú ətíə́ ɛlɔ́áyɛ́ yáyɛ́á isə́hísə́hí bɛ́múɛ́tɛ́, a óso ɔ ɔwayɛ́ buɔmɔ́ utəhəliə ata nəníə́ tɛ́tɛ́á əə́?

Yə́susu a ná báyɛ́á bɔkɔ́nɛna lɛ́na a sɛ́á: «Ɔ́ ɛlɔ́áyɛ́ nɔ́yɛ́, mɛ ndɔ bənú lɛna ɔwá, nɔ lɛ sə́híníə́ ɛlɔ́áyɛ́ búə́núə́ buɔmɔ́ yatɛ́ nɔ ŋɔ nɛ́áka, ata ɛlɔ́áyɛ́ yə́núə́ ɛkɔlɛ, yatɛ́ nɔ ŋɔ yɛɛ́ta lɛŋaka.

Ɔ yáyɛ́na nɔ́yɛ́, túə́núə́ tuhúínyi tɔ́ lɛa tukimə fanákátɔ. Nɔ lɛ kɔlɔma, nɔ lɛa na mukunə́ yáyɛ́ná tɔbátáməhə́ŋə tukimə.

Á hiɔ́bɔ hɛtɛ́tɛ́á, ɔ lɛ kɔ́lɔ́má ata bɔkɔa bɔkɔasɛ́á, yənúə́ Isə́ a ka siəkinə muɛsɛ ɔ uwənú ɔ Nɛmanɛna nɛ́ nɔɔ́mɛná uwíndiə.

Nɔ́ bɛkɔnjɛ́kɔnjɛ́ síə́kínə, abáka bá lɛ sɛlá mbá ata uhuə, bá lɛ boóko na mafɛná ata bɛába, mba, Huɛlɛ́ a ndɔ bəə́bu lúkə. Nɔ lɛa na mukunə́ mɔŋɛ́ŋa yáyɛ́ná tunoní.

Mba, uwənú, nɔ lɛ síə́ yatɛ́ ɔyɛ́á nɔ ŋɔ nɛ́áka, ata yatɛ́ ɔyɛ́á nɔ ŋɔ nyákɛna; nɔ lɛ sə́híníə́ tɔ́na.

Ábá Huɛlɛ́ a ndɔ imbuə lɛŋa ɔyɛ́á yɛ́ lɛ́á niɔfɛ́nɛ ɔ bɛtɔbɔtɔ́bɔ́, ɔyɛ́á bulílə́ bá ŋɔ yiítə əmbəkinə ɔ hiwə, bikúílí bɛ́nɛ́á a sɔ́ ŋɔ kafámá ɔ uwənú ɔlɛŋa. Nɔ́ siəlínə uwənú á bɛndɔ bá ilumininə yɛtɛ́tɛ́á.

Bikimə ɔbɛ́á bɛ́ lɛ́á bítímə́tɔ́, bɛ́ ŋɔ fámálana ɔ mianyɔ́, ata yatɛ́ ɔyɛ́á yɛ́ lɛ́á ɔ nibítə, yɛ́ ŋɔ bɛ́mányana.