Popular Bible Verses from Lúkasɛ 13

Share

«Nɔ́ bɛ́kánɛ́na ɔ ufínə ɔ nikí nɛ́ tɔ́tɛ́hátɔ́ bɔkɔasɛ́á, mɛ ndɔ bənú nɔ́yɛ́ lɛna, bəəŋí bá ŋɔ siəkə ɔ ufínə, mba, bá sɔ́ ŋɔ óso.»

Wɔmɔtɛ́ muəndú a ka báá ɔmɔ́tɔ́yɛ́ úndúə́tɔ́ na umbúínyi mɔbɛ́á ɔwá wɔ́ ná wɛɛ́ya híə́nə́síə́ ɛkátá, hata yɛ ikúílí ɔ niómo nɛ́ tuɔŋɔ na tɔ́námanɛ́, a ka báá úmbímə́tɔ, a lɛ ósó ɔbɛ́nɛ́mɔ́na wɛɛ́ya mukimə. Ikúílí Yə́susu a ná wɛ́ɛ́yɛ́ muəndú yámá, a ná wɛɛ́ya ɛ́lɛ́na, a ná wɛɛ́ya lɛ́na a sɛ́á: «Á muəndú, Huɛlɛ́ a ná aŋɔ́á sɔ́tɔ́ná ɔ ɔwáwɔ bɔkátá.»

Yə́susu a ná wɛɛ́ya makátá talɛna; ɔ umisíumə́ a ná nɛ́mɔ́nɔ́á, a ná lúmə́ á Huɛlɛ́ ɔ ɔnyama.

Nɔ́yɛ́, bɔ́mɔtɛ́ ɔbá bá lɛ́á bitifə́tifə isíŋáka, bá ŋɔ báá bə́búsíə́, ɔ bə́ə́ní ɔbá bá lɛ́á bə́búsíə́ isíŋáka bá ŋɔ bá bitifə́tifə.»

Ikúílí Isə́lúkú yɛ miímə a ŋɔ hɔalɛna, a ŋɔ nikí fanjaka, nɔ ŋɔ báá ɔ níə́lətíə́, nɔ ŋɔ lúmə ɔ nikí ukitə nɔ sɛ́á: «Á Isə́lúkú kunə́ bəsú!» A ŋɔ bənú bíhíə́niniə a sɛ́á: «Uwənú, mɛ lɛ ndɔ manya hə́níə́ nɔ ná húlínə.»

Bóo! Mɛ ndɔ bənú lɛna ɔwá, ábá nɔ sá mɛlɛ́má kɔ́ŋɔ́na, nɔ ŋɔ nímə bənú bəkimə ɛnya ɛmɔtɛ́ ɛ́sɛ́á bəə́bu.»

A ŋɔ bənú lɛna a sɛ́á: «Mɛ lɛ ndɔ manya hə́níə́ nɔ nɔ́ húlínə. Nɔ́ bísúə́lə́ hata na mɛaŋɔ́á bənú bəkimə ɔbá nɔ́ ndɔ bɔbɛ́á kɛa.»

Yə́susu a ná wúuwu ɔŋana táá a sɛ́á: «Ɔ yatɛ́ Nɛmanɛna nɛ́ Huɛlɛ́ nɛ́ ná hɔ́ákána əə́? Ɔ yatɛ́, mɛ ŋɔ óso ɔ nɛɛ́ta ukətiə əə́? Nɛ́ ná hɔ́ákána ɔ niísə nɛ́ hɛlɔa ɔnɛ́á mɔndɔ a ná ɛ́tá, a ná kánɛ́má ɔ ɔwáyɛ́ ɛtɔbɔtɔ́bɔ́, nɛ́ lɔ́á, nɛ́ híána hɛlɛ́álɛ́á, tunoní tɔ́ ɔmbáŋá tɔ́ nda mə́búə́ maana falábáka ɔ ɔwayɛ́ mɛlɛ́áfɛ.»