Popular Bible Verses from Bɛnyɛná 1

Share

Mba ɛkasɛ nɔ iŋgínə́ kúsə́nə, ɔ yɛ́ɛ́yɛ́ yɛ Umbúínyi Mɔnaŋanaŋa ɔwá wɔ́ ŋɔ ndasá ɔ uwənú nuúmə́, nɔ ŋɔ bámɛnɛna bámɛ́á bəmbóŋímboŋi ɔ Yəlúsalɛma, ɔ Yútɛa yikimə na ɔ Samália, na ɔ tɔlɛ́ŋɛ́ tɔ́ misí mikimə.»

Yə́susu a ná bəə́bu bíhíə́níníə́ a sɛ́á: «Nɔ lɛ bá na ɔmanya ikúílí mbá ata ɔŋgɛ́ŋɛ́ ɔwá Isə́ bɛ́múɛ́tɛ́ a ná tínímíə́ na yayɛ́á iŋgínə́.

Bɔ́mɔtɛ́ buɔsɛ́, wɛɛ́ya ɔ ɔnɛ́á na bəə́bu, a ná bəə́bu manɛ́na a sɛ́á: «Nɔ lɛ ákáná hata na Yəlúsalɛma, mba, nɔ́ tátáká yatɛ́ ɔyɛ́á Isə́ a ná bənú bílíhə́níə́: Ɔ́ yatɛ́ ɔyɛ́á mɛ ná bənú mə́nyə́síə́. Yɔhánɛsɛ a ka nɛsɔa índiəkinə na mənífə́, mba uwənú, tɛ́tɛ́á yɛ mɔɔsɛ́, bá ŋɔ bənú nɛsɔa índiəkinə ɔ Umbúínyi Mɔnaŋanaŋa.»

Nɔ́yɛ́, əlimə yɛ yayɛ́á nyɛmbɛ́, a ná bəə́bu bínə́níə́ na uwəbú umənyəsiə ɔwá a lɛa muɔmɔ́. Ətíə́ yɛ moómo ə́nisə má tunó, a ka bá a ndɔ bəə́bu bínə́niə, a bəə́bu bɛkɔa bɛ́ nɛmanɛna nɛ́ Huɛlɛ́ hɔ́kɛna.

Əlimə yɛ bɛ́ɛ́yɛ́ bɛtambá, Yə́susu a ná bálá ɔ nɔɔ́mɛná bəkimə bá ndɔ wɛɛ́ya sinə, ɛlɔndɔ́ yɛ́ ná wɛɛ́ya húə́ ɔ uwəbú məə́sə.

Ɛnaka bá məə́sə lámbá ɔ ɔmbáŋá ɔhá Yə́susu a ndɔ ákána, ɔ umisíúmə́, bá ná bɛndɔ báfandɛ́ bɔ́ŋɔ́ lɛŋábákátɔ́ na bɛlɛŋa bɛnaŋanaŋa tɛ́nɛ́mátɔ́ ɔ uwəbú ɛmɛ́ŋɛ́, bá ná bəə́bu lɛná bá sɛ́á: «Á bɛndɔ bá Kalɛ́lɛa, ɛlɔ́áyɛ́ yatɛ́ nɔ ná tuə́nə hɔ́yɛ́ ɔ usinə ɔ nɔɔ́mɛná əə́? Yə́susu ɔwá Huɛlɛ́ a ná húlíə́ ɔ uwənú ətíə́, ɛlɔ́áyɛ́ ɔwayɛ́ ɔwɛtaka ɔ nɔɔ́mɛná, ɔ́ nɛ́táyɛ́ nindínə́ a ŋɔ ndahíáná ɛ́sɛ́á nɔ ná wɛɛ́ya siəkínə ɔbálaka ɔ nɔɔ́mɛná.»