Popular Bible Verses from Bɛnyɛná 2

Share

Bíə́lə a sɛ́á: «Nɔ́ mɛlɛ́má kɔ́ŋɔ́náka, mɔɛ́ta tɛ́á ɔ uwənú ətíə́ á nɛsɔa kusə́nə ɔ niínyə nɛ́ Yə́susu Kilísitusu, Huɛlɛ́ a ŋɔ máyɛ́á mabɛ́á niasɛna, a ŋɔ niəbə nɛ́ Umbúínyi Mɔnaŋanaŋa kusənə.

Bəkimə ka báá ɔ́nɛ́nátɔ́ muɛsɛ muɛsɛ ɔ yɔkɔ́na yɛ́ basɔ́másɔma ɔwɔ́kɔ, bá lɛ kɔtɔ, bá niŋəkə ɔ bɔlatɔ́ na bənísə́ ɔ nɛafana nɛ́ bɔ́labɔ́nɛ́á na mabɛ́kálɛ́na.

Bá ka báá bəkimə undúə́tɔ́ na Umbúínyi Mɔnaŋanaŋa, bá ná lúmə́ ɔhɔ́ɔ́ na mohókí mənə́mənə́, ɛ́sɛ́á Umbúínyi wɔ́ ná bá wɔ́ ndɔ kɛa ɔwá bá hɔɔkɔ.

Ɔ umisíúmə́, bá ná iluluməki yɛŋɛ́ŋa ɔ́kɔ́ yɛ́ húlə́kinə ɔ ɔmbáŋá, ɛ́sɛ́á kólókósoko yɛ umbúínyi; yɛ́ ná úndúə́ ɔ miímə ɔyɛ́á bá ná bámɛ́nɛ́na ɔ nuúmə́. Bá ná mɔbɔ́mbɛ ɛ́ná hɔ́ákátɔ́ ɔ musoŋó wɔ́ hiwə; má ná sasɛ́á; má ná tálɛ́mɛ́na ɔ mɔndɔ tɛ́á. Bá ka báá bəkimə undúə́tɔ́ na Umbúínyi Mɔnaŋanaŋa, bá ná lúmə́ ɔhɔ́ɔ́ na mohókí mənə́mənə́, ɛ́sɛ́á Umbúínyi wɔ́ ná bá wɔ́ ndɔ kɛa ɔwá bá hɔɔkɔ.

Bá ákaka buɔsɛ́ tɛ́á na mɔlɛ́má úmotí ɔ Tɛ́mbɛlɛ, bá lɛ kɔtɔ; bá níə́kəniə ɔ məə́bə, bá bɛ́labɔ́nɛ́á nɛ́áka na nɛhɔnɔ na mɔlɛ́má naŋátɔ. Bá Huɛlɛ́ nyamaka, bɛndɔ bəkimə bá bəə́bu hikəkiə mɔŋɛ́ŋa. Nɔ́yɛ́, Isə́lúkú a yə́búə́ ilúkunə bunəkiə buɔsɛ́ tɛ́á na bááyɛ́ ɔbá bá ná núə́kə́níə́.

«Nɔ́yɛ́, Huɛlɛ́ a sɛ́á ɔ mɔɔsɛ́ má nitifə́, mɛ ŋɔ wə́míə́ Umbúínyi ayɛna ata ɔwanɛ́ mɔndɔ, bə́núə́ baná balɛ́mɛndɔ́ na baná bəəndú bá ŋɔ híánaka bɔhɛ́nátɔtányɛ́, bíə́núə́ bɛnɔ́kɔ́nɔkɔ bá ŋɔ binónó siəkinə, túə́núə́ tɔkala tɔ ŋɔ lɛmanakana.

Bəkimə ɔbá bá ná híáná bəlumininə, bá ka báá tɔanátɔ, bá bɛɛ́la bikimə tɔaka iŋgində́. Bá ka bá bá ndɔ bíə́búə́ bɛsalɛ bɛ́ misí lúə́, na mə́búə́ maasɛ, bá bɛcácɔ́ áfakana, mɔɛ́ta tɛ́á a kusənə ɛ́sɛ́á nɛ́áyɛ́á nɛsɔ́ka.

Nɔ́yɛ́, ata ɛ́yánɛ́ ɔwá a ŋɔ Isə́lúkú baŋakɛna, a ŋɔ wɛɛ́ya nuəkəniə.»

Hiɔtɔ́tɔ́ hɛ́ ŋɔ tə́bə ndiɔ́ŋɛ, muilí tɔ́na wɔ́ ŋɔ áyɛ́ nyɔ́á ɛ́sɛ́á manɔ́ŋɔ́, ubusíə́ ɔbɔ́á hinó hɛŋɛ́ŋa na hɛ́ tuúmə hɛ́ Isə́lúkú hɛ́ ndáfama.