Popular Bible Verses from Ioane 6

Share

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Iesu ame thu ködra, ka habe, Walang huliwa anyin Khong, ka habe, öbun e he ka labageju ka at a kunâ.

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Anyin a areto anyin Khong, me wale at ame utut ûnyi hnyi drany, kʼ ame ham möt ka hmeledrany.

Inya ang aretoiny möt.

Haba Iesu ame hom je areto, ke a hia but oleâ, me e ame khenâ but ka tavat adre me ûlalabainy; helâe minya li ong wâ, hoton wedra. Ke ame sekudra thö, me e ame ha ka laten, ka habe, Ûkhöûnâ thö je ong kolon, me me ba ûnyi adre ma degec bi.

Ke ödrin e hia but galu helâ me twente faiv, ame ne thöti je setadia, me Ödrin e ö Iesu ame he hon köiö, me hakekeny ka hnyi hu: me ödrin e ot. Ke e ame ha ködrin, ka habe, Inya bi; ca ot.