Popular Bible Verses from Ioane 5

Share

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Iesu ame wâ e ame mokut, ke e khana ae beû hmâ but hnen hna mok, me e ame ha kâu, ka habe, E bewem he ka möt?

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya; ke öbun höcö he ka he könya me me hu möt gabun.

Iesu ame ha kâu, ka habe, Todrö hom minya thö hnâm me he thö. Me ame ie möt dö at, ke e ame hom dö hnen hna mokut me he. Ke sabath bong eling.

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.