Popular Bible Verses from Jon 16

Share

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Imma rok i̱yo̱ko̱ ngen niga i̱jji̱nne̱t gi̱i̱ imma zare cigannik. I̱jji̱nne̱t kar atin niga u̱mu̱dda̱, kar bo̱do̱k atin talninet cunno̱ng ke̱le̱zzo̱.

Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng. Ming uk i̱ki̱ya̱ De̱me̱zo̱i̱ti̱ neci, okko atin ovoca ol wak lo̱o̱tu̱ ogon mu̱nye̱n, okko atin a̱du̱wa̱ gool ci abunna orong Ta̱mu̱ta̱dde̱n ol kabakte ki te̱di̱ne̱t lo̱ki̱ko̱ cik olli lo̱o̱tu̱.

Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to. “Ku̱du̱wa̱u̱ng anna i̱ge̱t zoz ci een de̱de̱, i̱i̱te̱ne̱ neci a̱zze̱ e̱e̱ti̱ imma ci a̱jji̱nna̱ annit gi̱i̱ imma to. A̱a̱nyu̱ng atin Baba i̱ge̱t gi̱i̱ imma ci a̱jji̱nnu̱ niga zare cigannik.

Ku̱du̱wa̱u̱ng anna i̱ge̱t zoz ci een de̱de̱, a̱lu̱yyu̱ atin niga kar bo̱do̱k atalit, imma olli lo̱o̱tu̱ atalne. Abalaccu atin niga oroot, abarik atin balaci cunno̱ng ukce kize talninet.