Popular Bible Verses from ŊWED MBON GALATIA 6

Share

Eyak ikukpa mba ke erinam eti ŋkpɔ; koro ke edikem ini nnyin iyedɔk mbuŋwum, edieke nnyin miyakke idem emem nnyin.

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

Ebiom mbiomo kiet eken; ntem ke mbufo edinim ibet Christ.

Ekuyak ebiaŋa mbufo; owo ikemeke ndibiaŋa Abasi: se ededi owo ɔtɔde, oro ke enye edinyuŋ ɔdɔk.

Owo eke ɔtɔde ɔnɔ obukidem eyedɔk mbiara oto obukidem; edi owo eke ɔtɔde ɔnɔ Spirit, oto ke Spirit ke enye eyedɔk nsinsi uwem.

NDITƆ-ETE, edieke ekutde owo ke ndudue ekededi, mbufo, emi edide mbon spirit, esaŋa ke spirit ifure-ifure ido, eda enye efiak esin ke itie; nyuŋ kpeme idem, mbak edidomo fi ŋko.

Koro edieke owo abatde idem ke ŋkpɔ ke ini enye midige ŋkpɔ, enye ababiaŋa idem. Yak owo kiet kiet odomo utom esie ɔfiɔk, ekem enye eyenyene se enye oburede abaŋa ke idem esie ikpɔŋ, idibureke ke idem owo eŋwen. Koro owo kiet kiet enyene ndibiom mbiomo idem esie.