Popular Bible Verses from ŊWED MBON GALATIA 5

Share

Edi mbuŋwum Spirit edi ima, ye idaresit, ye emem, ye ime, ye mfɔn-ido, ye eti ido, ye erinam akpanikɔ, ye ifure-ifure ido, ye mfara ke idem; baba ibet kiet ibiɔŋɔke oruk edu emi.

Edi mmɔdɔhɔ mbufo nte, Esaŋa ke Spirit, ndien mbufo idinamke se idɔŋde obukidem.

Edieke nnyin idude uwem ke Spirit, eyak nnyin inyuŋ ida odudu Spirit isaŋa.

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

Ndien ubɔk-utom obukidem ayarare, oro edi use, ye mbubiam ido, ye obukpo ido, ye erikpono-ndem, ye eribre-idiɔŋ, ye usua, ye utɔk, ye ufup, ye iyaresit, ye ndomo-idem, ye ubahare, ye erisiak isio ŋka, ye udu, ye eriyuhɔ mmin, ye otime-otime ido ye mme ido eke etiede ntre; mmɔdɔhɔ mbufo, kpa nte mma ŋkebebem iso ndɔhɔ, nte, mmɔ emi enamde oruk ido eke etiede ntem ididaha Obio Ubɔŋ Abasi inyene.

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

Koro obukidem ada udɔŋ esie aŋwana ye Spirit, Spirit onyuŋ ada udɔŋ Esie aŋwana ye obukidem; mmɔ mbiba ebiɔŋɔ kiet eken; man mbufo ekunam se mbufo eyomde ndinam.

Koro ofuri ibet oduk ɔdɔŋɔ ke ikɔ kiet, kpa ke ikɔ emi, Ma mbɔhiduŋ fo nte amade idem fo.

Nnyin ikutaŋ idem, ikuyat kiet eken esit, ikunyuŋ ifibe ufup ye kiet eken.

CHRIST okosio nnyin ke itie ufin, ete idi nditɔ-isɔŋ; esɔŋɔ eda ndien, ekuyak etɔŋɔ ntak ekɔmɔ mbufo ke ɔkpɔnɔ itie-ufin.