Popular Bible Verses from ŊWED MBON EPHESUS 6

Share

Koro nnyin miŋwanake eŋwan nnyin ye obuk ye iyip, edi iŋwana ye mbɔŋ, ye mme enyene-odudu ye mme andikara ekim ererimbot, ye udim mme idiɔk spirit eke edude ke enyɔŋ.

eda kpukpru akam ye mkpe-ubɔk ebɔŋ akam ke Spirit kpukpru ini, enyuŋ ekpeme ndinam ntem, enyuŋ eda ofuri ifik ye mkpe-ubɔk ekpeme ndibɔŋ akam mbaŋa kpukpru ikɔt Abasi, nnyuŋ mbaŋa mi ŋko

Esine ofuri ŋkpɔ-ekɔŋ Abasi, man mbufo edikeme ndiŋwana ye ŋkari Satan.

Mmɔdo eda ofuri ŋkpɔ-ekɔŋ Abasi, man mbufo edikeme ndisɔŋɔ nda ke usen idiɔk, enyuŋ esɔŋɔ eda ke ema ekenam kpukpru ŋkpɔ.

enyuŋ eda mbuɔtidem nte otu-ekɔŋ, emi edidade ekeme ndinime kpukpru enyim ikaŋ andidiɔk. Enyuŋ eyara erinyaŋa nte ndun ke ibuot, enyuŋ ekama ofut Spirit, emi edide ikɔ Abasi

Esɔŋɔ eda ndien: eda akpanikɔ ebɔbɔ ke isin, enyuŋ esine edinen ido nte ukwak ikpanesit, enyuŋ eda mbeŋe-idem ndikwɔrɔ gospel emem esine nte ikpa-ukot

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

Kpono usɔ ye uka (emi edi akpa ibet eke asaŋade ye uŋwɔŋɔ), man ɔkpɔfɔn ye afo, afo okponyuŋ odu uwem ebigi ke isɔŋ.

NDITƆ ekop uyo mme ete ye mme eka mbufo ke Ɔbɔŋ; koro emi enende.