Popular Bible Verses from ŊWED MBON EPHESUS 5

Share

MMƆDO edi mme andikpebe Abasi, nte ndima nditɔ enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

Mmɔdo etiŋ enyin ekpeme nte esaŋade: ekusaŋa nte ndisime, edi esaŋa nte mbon eti ibuot. Ededep ifet, koro mme usen ediɔkde.

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit. Eda psalm ye hymn ye ikwɔ spirit eneme nneme ye kiet eken, ekwɔ enyuŋ enam edinem uyom ke esit mbufo enɔ Ɔbɔŋ. Enɔ Abasi Ete ekɔm kpukpru ini ebaŋa kpukpru ŋkpɔ, ke enyiŋ Ɔbɔŋ nnyin Jesus Christ.

Mmɔdo ekudi mme ɔkɔi, edi etim efiɔk se Ɔbɔŋ amade.

Mme ebe, ema iban mbufo, kpa nte Christ akamade ufɔk Abasi, okonyuŋ ayakde Idem ɔnɔ ke ibuot esie

Koro mbufo ekedi ekim totoko, edi emewɔrɔ edi uŋwana ke Ɔbɔŋ ke emi

Esuk idem enɔ kiet eken ke uteŋe Christ.

Iban, esuk idem enɔ mme ebe mbufo, nte enam enɔ Ɔbɔŋ.

Edi Yak owo kiet kiet ama ŋwan esiemɔ nte amade idem esie: ŋwan onyuŋ eteŋe ebe esie.

Ke ntak emi owo edikpɔŋ ete ye eka esie, edinyuŋ adadiana ye ŋwan esie; ndien mmɔ mbiba eyekabare edi obuk kiet.

Ekunyene mbubehe ye mme utom ekim eke miŋwumke mfri, edi ekam eda mmɔ ewɔrɔ ke uŋwana