Popular Bible Verses from Luk 5

Share

Ori ọkwẹịn so sịkị, Ọ̀ nwọse Saịmọn ḅe ḅẹmẹ, “Arụ mị iderima ḍapa mị ḅụ gbun nyọ mị mun, se ị́rị́ na ị́ya arụapụma na ọ́mịna ịgbọma koroma se inji kun.”

Saịmọn ḅe pẹkẹrẹmẹ, “Yeḍieḅọ,” “wa kụrọma bebe ḍin mị mgba fịrịnwẹngịmẹ, se gbọrịye sọnị wa kunkẹ. Ọkụma ị́ nemikase ọkọ ḅẹmẹ ḅẹḅẹ, àrị ịgbọma koromaḅịa.” Ini ịgbọma koromamẹ, se ini kun injima ḅaka so ọkụma inia ịgbọma kan-ẹ tọnmẹ.

Ọkụma Ò so gbọịn-a nyọ nwọ mun mẹ, se anịnyọ tẹkẹmẹ.

À ḅo karakara apụma chịn-ẹḅokẹ na si ḅụ ini vinpịkị, ọkụma ini depakụmasa apụma-ẹ.”

Saịmọn Pita ḅe pakaye mị ọrị sịkị, ori ọ̀ ḅụọ ịkpụkụma se Jizọs Ḅe tọrọkọ kpẹrẹkịmẹ se nwọ ḅẹmẹ, “Ị̀ ḅụ wẹrị sikima, Nyanaḅọ! Anịatịḅị ị̀rị̀ si ḅọ-ẹ!”

Jizọs Ḅe pẹkẹrẹmẹ, “Obi ka apụ, ḅịrịḅọ ḅụpalịmakẹ, ọkụma obi apụ kẹngẹ-ẹ.

Ini arụma dọkụ mun pọkụ ḅie sọma, yelayelaye ḅụḅarasin se Jizọs Ḅe ḍukomẹ.

Gbọrị sịkị Jizọs Ḅe gbọrị ama ḅie simemẹ, anịanga ḅụkan obi ḅụ mgba ḅein gbọrị owuḅọ omi-ẹ. Ò Jizọs Ḅe ọrị sịkị, ori Ọ̀ ḅụọ chuku ḅịkị koro se Ọ̀ tẹkẹmẹ, “Sẹnịḅọ, ị́ ḅụḅẹlẹḅịa ọkụma, ị́ ineda ị̀ mịẹfịafịamaḅịa!” Jizọs Ḅe ḅara sụma mun ọ̀ lamamẹ. Ọ̀ pẹkẹrẹ se nwọ ḅẹmẹ, “À kọkọma ḅimẹ, ye ị́ fịafịa!” Anị kirikiri ḅụkan obi mị owuḅọ ḅe ḅụ somẹ.

Ọkụma Jizọs Ḅe ḅụ ḅẹrẹ mị ini nwọ ḍuko wasama tẹịnmẹ, se tọn-a tomonikpo Ọ̀ damaḅomẹ Ò pokiḅịa ẹrẹchị, Ọ̀ pịkị inia obima gwọḅịa ẹrẹchị.