Popular Bible Verses from Luk 6

Share

Ye se ḍie jịn apụ pịrị, Tamụnọ Ḅe pịkị ye se ḍie ị́ pịrịḅịa. Ini jokoma tọn ḅein wa, pụnụ chụa, jike gboloma, se ineda ọlọḅịa ḅara nwọse ḅielokoloko ḅụ ọkịḅo ị́ kuḅu saraḅịa. Ị́ se yetọn jịn apụ pịrịye mị anị Tamụnọ Ḅe pịkị se tọn ị́ pịrịḅịaye-ẹ.”

Iḅi ḅọ ḅe ò kuḅiemgbọlụ sime iḅi ngọ ḅụ wẹrị iḅiye pakụmaḅomẹ, si ḅọ ḅe pịkị ò kuḅiemgbọlụ sime si ngọma ḅụ wẹrị siye pakụmaḅomẹ. Anịatịḅị ḅịpị mị kuḅiemgbọlụ mị ḅie ḅein ayema mịn anị ọkwẹịn pakụmaye-ẹ.

Ẹn-ẹn! Ị́rị́ na tarakapụma ḅẹlẹma, se iḅi se ini mịẹ, ye se nweni ḅọlọ, ḅarị anị se ḅietọn ma, ómine opu gbẹịnye nyanaḅịa, pịkị Geletẹịn Tamụnọ Ḅe awọ nwọ sọḅịa. Anịatịḅị ori iḅi se mịẹḅaka ḅe ḍinka apụma na pịkị sitịḅịnyana apụma na mịẹmịẹmẹ.

Ó ḍikiḅụgerere nyana, ọ́mịna Ḍaḅe ḍikiḅụgerere nyana ḅara mị.

“Ḅẹrẹkọn jịn apụ pịrị ma, Tamụnọ Ḅe pịkị ḅẹrẹkọn ị́ pịrị ẹkẹ, ḅẹrẹsi pẹlẹ jịn apụ pịrị ma, Tamụnọ Ḅe Ọ̀ pịkị ḅẹrẹsi pẹlẹ ị́ pịrị ẹkẹ, siḅụ-ḅarasin jịn apụ pịrị, Tamụnọ Ḅe pịkị siḅụ-ḅarasin ị́ pịrịḅịa.

“Ọkụma à ḍuko ómine ị̀ naarịapụma pịrịaḅẹ: Ómine ómine na tarakapụma ḅẹlẹma, iḅi se taraka se ọ́ wẹrịma apụma mịẹ, nwọ ó wori apụma ómine ini ḅẹlẹma, pịkị tẹkẹ ọ́ mịẹ sima apụma pịrị.

Jịn apụ mịẹ ị́ pịrị ị́ nwọ ḅi ḅara mị ị́rị́ sọnị nwọ mịẹ jịn apụ pịrị.

Tomoniḅọ gbọrị amgba ḅụ ị́ ḅụrọmẹ ḅẹḅẹ, ye iniḅọ pịkị ísí amgba mị sọnị ḅụrọ; tomoniḅọ ị́ya ọgọnọ gbana ḅụchụaye mị sin ọkịmẹ ḅẹḅẹ, ye ọ̀ pịkị ḅie chụa ḅụchụaye mị sọ sin ọkị. Ị́ ḅara yeḅi ḅọ goyegoye se iniḅọ pịrị, se tomoniḅọ pịkị ị́ nyanaye nwọ ọkịmẹ ḅẹḅẹ, ḅarị anị gbelama.

“Iḅi chịn si mgbọlụ chụa ẹkẹ, anị si chịn pịkị iḅi mgbọlụ chụa ẹka ọkụ-ẹ.

Chịn layelaye anị chụa mgbọlụ ḅụ ini wẹrị anị lekirimẹ; ị́ ineda ịga piri ḅie figi chịn mgbọlụ kaịn ẹkẹ, anịkanịka oju dakadakama chịn sime piri ḅie tụmgbakị elelenda kaịn ẹkẹ.