Popular Bible Verses from Luk 4

Share

“Nyanaḅọ Ḅe Tẹmẹ Ḅe ị̀ ọgọnọ gbanamẹ, anịatịḅị ori ị̀ sẹlẹsam, Iḅi Ḅẹrẹ mị ḍuko igwein apụma pịrịḅịa ye gose. Ori ị̀ se fịrịmamẹ àrị ngẹrị tịḅị nyana nwọ ḍuko pakụma kun ḅara ḅie sime apụma pịrịḅịa ḅara, tọrụmgbọlụ finji nwọ ḍuko tọrụmgbọlụpụn apụma pịrịḅịa ḅara, ini pụnda apụma mịẹse ini inia ḅụḅarasinḅịa ḅara, se pịkị Nyanaḅọ Ḅe Oria tomonima ḍụaḅọrọmaḅịa sịkị mị nwọ ḍukopakụma.”

Jizọs Ḅe pẹkẹrẹmẹ, “Fịafịa Ḍiri mị nwọ ḅẹmẹ, ‘Kpẹrẹkị ị́ Nyana Tamụnọ Ḅe tẹkẹ, pịkị fịrịnwẹngị ori kẹngẹ pịrị!’”

Jizọs Ḅe pẹkẹrẹmẹ, “Fịafịa Ḍiri mị nwọ ḅẹmẹ, ‘Tomoniḅọ ineda fịye kẹngẹ ḅụ wẹrị ḍumo ẹkẹ?’”

Jizọs Ḅe Fịafịa Tẹmẹ Ḅe na ḅein se Jọdan ḅụ vinpịkị ḅomẹ, se Tẹmẹ ḅe Ọ̀ ḅọrọma piri-ele mị mun mẹ

Se Jizọs Ḅe ọ̀ pẹkẹrẹmẹ, “Fịafịa ḍiri mị nwọ ḅẹmẹ, ‘Ị́rị́ ị́ Nyana Tamụnọ Ḅe ḍaḍikima.’”

Oru ḅe ḅọkọ kịrịkịrị ḅụ Jizọs Ḅe telima so sịkị ọ̀ kala sịkị nwọse Ọ̀ wẹrịsomẹ.

Anịsịkị Oru ḅe Ori ọkị se boka sịkị ḅụ bebe tomonikiri sime amanyanakiri mamgba se Ò ḍiemẹ. “À ma kụrọ mamgba nwọse ị́ pịrịḅịa pịkị ma ngọ mamgba na,” Oru ḅe nwọse Ọ̀ ḅẹmẹ. “Ini àrịmgba saḅama ị̀ ḅara chụasam, à pịkị ineda anị se ị̀ ḅụḅẹlẹḅọ ḅẹlẹḅọ nwọ pịrịḅịa. Ma mamgba ị́yaye-ẹ, ị́ nemikase ị̀ tọrọkọ kpẹrẹkị ị̀ tẹkẹmẹ ḅẹḅẹ.” Jizọs Ḅe pẹkẹrẹmẹ, “Fịafịa Ḍiri mị nwọ ḅẹmẹ, ‘Kpẹrẹkị ị́ Nyana Tamụnọ Ḅe tẹkẹ, pịkị fịrịnwẹngị ori kẹngẹ pịrị!’”

Anịsịkị Oru ḅe Ori ọkị Jerusalẹm mun mẹ se Ori ọkị Oputẹkẹwarị mị ọgọnọ geletẹịn nyọ chịẹmamẹ, se nwọse Ọ̀ ḅẹmẹ, “Ị́rị́ Tamụnọ Tọkụ-ẹ ḅẹḅẹ, mị anga wẹrị ḍosi koro. Anịatịḅị fịafịa ḍiri mị nwọ ḅẹmẹ, ‘Tamụnọ Ḅe Ọ̀ tọn oria enjẹlapụma pịrịḅịa, ini ḅereni ẹkẹ ye ị́ ḅụọ la.’ Anị pịkị nwọ ḅẹmẹ, ‘Ini inia ḅarama se ịkaịnḅịa, mịẹse ḍụparịma ye se ị́ ḅụọma lama ẹka ḅara.’” Se Jizọs Ḅe ọ̀ pẹkẹrẹmẹ, “Fịafịa ḍiri mị nwọ ḅẹmẹ, ‘Ị́rị́ ị́ Nyana Tamụnọ Ḅe ḍaḍikima.’”