Popular Bible Verses from Luku 13

Share

“Ọmịnị inetẹ ḅara, inetẹ ḅara ọ́ nwẹn mịẹ tẹ kpasị wararị ḅọkọ mẹ ḅụ tolu-ḅọrọ sọ-muu; à gotẹ ọkọ ḅẹẹarị, piki-pikiye-ofori ḅara ḅụ, tọnwa tomi ḅụụkụrọma tẹ sọ mu ḅẹ ḍọkị ḅa, kụma ini inetẹ ḅịa.

gbọrụ ẹrẹḅọ sọ simem. Ma ẹrẹḅọ ma maa kụra fa si á nwẹn kẹ si-tẹmẹ ḅara-ḅio obi kọn tẹẹ, tẹ anị árị iḅoma tẹ á ḅarị inetẹ tụkụ tẹ mẹnjị-a. Jizọsị árị ẹrị sakị ori á ḅẹẹm, “Ẹrẹḅọ, í obi ị́ ḅụụ so tẹ!”

Ọ̀ nwẹnị ori aḅara kẹ árị ọgọnọ gbana, tẹ anị gbọrụ sakị ḅụ á nwẹnị tụkụ sịẹ, tẹ Tamụnọ tokini.

Anị sakị ḅụ mịọkụ ọḅụkọn apụ ma ḅo tarị apụ sọ ḅa, tẹ mịọkụ ḅụ tarị apụ ma ḅo ọḅụkọn apụ sọ ḅa.”

Warị nyanaḅọ ḅe saakị tẹ ọ̀ ḅọkọ gbaịn ḅa; anịsakị ọmịnị etela sime apụ ma ḅọkọ mẹ ḅakụ tẹ ḅẹẹ ḅa, ‘Wanyanaḅọ ḅọkọ mẹ finji wa pịrịị!’ Ori ọ́ pakịrị ḅa, ‘Àrị ó ḅo anga nimi-a!’

Gbala-gbala, ọkọ-a! À ḍuko ọ́ pịrịarị, ọmịnị ọmịna asi ḅụ pịkị-a ḅẹḅẹ, ọmịnị-mgba ịn fịị ḅara fịị ḅa.”

Kụma ori pịkị ḅẹẹ ḅa, ‘Ó ḅo anga à nimi-a, ọmịnị ị̀ ḅụụ wẹrị sikimaa, ọmịnị si-sịḅịḅio-sụa atomi!’

Jizọsị nwẹnị gbela, “Tamụnọ Ama-da mẹ anị tiye kịkarị? À tiye kẹ anị tọnma ḅẹ? Anị kịkarị ye anie mie. Tomḅọ gbọrụ mọsịtadị sịn mgbọlị ọkị ḍiḅim ọ̀ ḍụọ ḅio. Anị so-paka ḍụḅa ḅo sịn sọ tẹso, feni amẹẹ nwẹnị anị aḅara ma ḅụ ịna awarị nama.”