Popular Bible Verses from Luku 12

Share

Tẹ ọmịnị sọ ọkọ kẹ tẹlẹma na-iḅim, Tomḅọ Tụḅọ ḅe ó ḅiotọn-a sakị kẹ ḅo ḅarịye mẹ ẹrẹsị.”

Anie nakara ọ́ Tamụnọ ama mẹ rẹ gotẹ ḅio-sẹsẹẹ, tẹ mịna aị ma sọ ọ̀ mịẹtẹ ọ́ nyana ḅa.

Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Kẹ gotẹ ọkọ ḍukoarị ọmịna ḅioḅẹngbọ sakị mamgba sime ḅarị anga anie ọmịna ngọ simearị anga.

Ọmịna ḅụ inetẹ ḍumo gotẹ ḅụụ-ḅalaḅala ḅụ ye kẹ amịna aḍin ḅụ sụa ḅẹ ḅọ emi?

Anịtẹso Jizọsị nwẹnị ò ḍukamẹnjịapụ ma ḅẹẹ, “Anịsakị mie à go ọ́ ḅẹẹarị ye mịnẹ ọ́ ḅarị ọ́ fị tẹ ḍumo ḅẹ ye na, ọ́ sụa ḅẹ kapa na gotẹ ḅụụ-ḅalaḅala ma.

Mị-ḅara ḅụ ọmịna sịḅị-ḅẹ-inume ma sọ kịẹn fama wararị. Ọkọẹrẹsị ọ́ ḅalafa ma; ó ye la tọnwa opulo-ngịangịa nẹngịm.

“Ọ́ ḅalafa ma, ị̀ kala anana ogbo; kẹ gotẹ ọkọ ḍukoarị ọmịna Ḍaḅọ ori ama mẹ kẹ ọ́ pịrị mẹ ḅẹlẹmam.

Odogo afeni ma ḍikii: in ye ḍiḅi-a, ịn pịkị soku-a; ịn pịkị ye koko awarị sọ nyana-a; Tamụnọ anie fịye kẹ ịn pịrị fịarị! Ọmịnị yela feni amẹẹ ma nẹngị lama wararị.

“Ọkọẹrẹsị ọ́ ḅarị ḅio dein-a ḅara sime ma, sakị mamgba ọ́ fị ḅẹ ye na ó ḅuu ḅẹ ye na ḅẹ kuroma nyanarị.

Tamụnọ anie kapa kẹ piri-ḅio-ḅẹ osuka ma ḅirimarị, mịmgba emi tẹ ḅaa tomi kẹ fịnị ḅio suu dọkịma ḅarị aị ma. Ọ́ sịn-arị ḅị Tamụnọ ḅe ori ó ḅirima tẹịnma ḅịa? Ọmịna minini boowa ḅara ḅakam!

Gbaịn wararị ye goyegoye anị finji ḅa, tẹ ḅọị ye tẹ tomi nimi ḅịa ye pịkị ofori.