Popular Bible Verses from Luku 14

Share

“Ị̀ dama-ḅo ḅọ, ḅo ḅọ inetẹ ì ḍukamẹnjịḅọ sọ ḅịa, mḅọ ị̀ ḅẹlẹma mḅọ ḍaḅọ na, iyingiḅọ na, taḅọ na, awọ na, owiapụ-amịnapụ na, eremịna amịnapụ na, mḅọ ḅụụ ḅioju sọ na nẹngị sikima.

Ḅẹḅọ-ḅẹḅọ tẹ amịna ẹngbẹsẹ-sịn dogi tẹ ị̀ ọḅụ mẹnjị-a ḅọ inetẹ ì ḍukamẹnjịḅọ sọ ḅịa.

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Ḍuko gbaịn ḅụ Jizọsị nwẹnị ḅẹẹ, “Anị gbọrụ ḅara ḅụ ọmịna ḅụ amịna nyana ye, nyana ye ḅụ ḅara sịn-a tẹ inetẹ ì ḍukamẹnjị ḅẹ ḅọ ofori.

“Ọmịna ḅụ tụḅọ warị nama ḅẹ tẹ tarị sịḅịḅio kịẹn anị pịrị ḅịa, mḅọ ḅara simearị igbigi kọrịnama mẹ kọrị fama ḅarị ḅoto. Mḅọ ọkọ mịẹ-a ḅẹḅẹ mḅọ inetẹ nama fama ḅịa, mḅọ suku mẹ saakị tẹso, ọkụma, tẹ ọkọ kẹ anị ẹrị apụ mamgba mḅọ ḍẹrị, tẹ ḅẹẹ ḅa, ‘Ḅị tomḅọ ḅe saakị wararị warị mẹ ori inetẹ nama fama-a!’

Kụma ị́ fịye gotẹ kịnị sịn ḅẹ sakị, igoin-apụ na, ngụrọ-kọnapụ na, ekeliapụ na, tọrụngbọ-pụụntẹ-apụ na mie ị́ sịn ḅarịye. Anị sakị ini ma ini inetẹ ị́ gbẹẹ ḅịa sakị í ḅo boma ḅa. Iḅi apụ fị-ḅụ-saakị ḅẹ ene mẹ ḅụ Tamụnọ kẹ ị́ gbẹẹ ḅa.”

“Fụn anie iḅiye, kụma fụn mẹ ḅarị fụn ḅẹlẹ-a ḅẹḅẹ anị mịẹ tẹ anị pịkị fụn ḅẹlẹ ḅẹ ọkụ ofori. Kiri ḅụ sọ anị mịẹ ḅẹ ye ḅarị ofori, kẹ ye ḍiḅi ḅẹ fun na sara gboloma ḅụ sọ anị ḅarị iḅi-a. Anị kẹ sara nguma kịngẹ mie anị sime pịrị tẹ ye. Naa ḅii ḅọ naa!”