Popular Bible Verses from ALA IROM 9

Share

Chajị nya ọọwa lẹ, ọchụchụ nya Ohe Oluhye á do pịlẹ i-irya nya ọngịnyị ehe ayịdang lee o-bwula jaabwọ ká ọngọọwa juwa nwụ ịlọmwụ la ụkụrwọ ọhọhọ lụmẹ ka. Ma, ọchụchụ ọọwa do pịlẹ ahyẹẹrwẹrwa nya Ohe Oluhye ụbwọọmwụ kem.

Chajị, Ohe Oluhye la ịlọmwụ byi iMosisi yẹkẹẹ, “Ọngọlẹ kọ hám, Am Ohe Oluhye kam ka họ ọnahị, ọngọọwa, M kaa họ ọnahị lẹ! Ọngọlẹ kọ tị hám kam ka yẹ ahyẹẹrwẹrwa, ọngọọwa, M tị kaa yẹ ahyẹẹrwẹrwa ịnyịnyị lẹ!”

Ma, ọwẹwẹ nyam ri yẹkẹẹ, o-owo, ahụ ọngịnyị ehe ọọwa a tị́ ri kpong-kpong ene du ká byẹjẹ, juwa tọ Ohe Oluhye ịtọ ịnyị? Anụ yẹ kpá ká ọta jẹ́ juwa byi ọngọ moo me yẹkẹẹ, “Ịịyẹ a tị́ du ká họm kam la ịịlẹ?” ẹnẹnẹhẹ lẹ?

Chajị nya ọọwa lẹ, ọngọlẹ kọ há Ohe Oluhye kọ ka yẹ ahyẹẹrwẹrwa, ọngọọwa, Ohe Oluhye a kaa yẹ ahyẹẹrwẹrwa lẹ. Ọngọlẹ kọ tị há Ohe Oluhye kọ ka tụụbwọ hi iwe nya ọkịlẹtụ ọnyọọngịrị ọlala da ha, ọngọọwa, Ohe Oluhye a kaa tụụbwọ hi iwe nya ọkịlẹtụ ọnyọọngịrị ọlala ọọwa da ha ịnyịnyị lẹ.

Lee, ánụ tị́ jẹ́ yẹkẹẹ, ọngọlẹ kọ kaa kpa ume me ọta lẹ, ọ la ọngịrị ka kpa ume ọọwa-ọọwa me ọta ọhẹ ọlẹ kọ la ihi-ihi bala ọ-ka me ẹja ọkịla ọ-kpa da abwọ agịla ịnyịnyị myị́ ka?