Popular Bible Verses from ALA IROM 10

Share

Chajị, ó-ri ká ka myị-ị kpa ọnụ nyang ya iJisọsị Ọngọlahị dodehe lala Ọngọlang la, ká ka myị kpa ọkịlẹtụ nyang wuu myị yẹkẹẹ, Ohe Oluhye nyị wule ịKịrayịsị ọọwa eji bwula igu ịnyịlẹhị lẹ aalẹ, a ka la ọchịda nya ugbodu okpukpuru nyang lẹ.

Chajị, ọmyịmyị ọlala ẹ-ẹpwụ nya ọkịlẹtụ nyahị a du ká Ohe Oluhye kaa kpa wa angị myịmyị ịlịnyị nya alabwẹla ọnyịịla ị-ịlahị nya ịlọmwụ lẹ. Ọnụ nyahị, ọ tị kpa ya ịKịrayịsị ọọwa dodehe lala Ọngọchịda nyahị, a tị kaa kpahị kaka ye ọchịda nyamwụ ọọwa ịnyịnyị lẹlẹ.

Lẹ, ẹla nya Ohe Oluhye owowo a kaa kpa ọmyịmyị ọlala jụ ka ẹpwụ nya ọngịnyị ehe lẹ. Ẹla nya Ohe Oluhye oyaya pyẹ rụ́ ịKịrayịsị a tị kaa kpa ẹla owowo ọọwa ka ẹpwụ nya ọngịnyị ehe ịnyịnyị lẹlẹ.

Chajị, Ụpwụ Ịgọgọ yẹkẹẹ, “Ọng myị́ ọng ọlẹ wuu kọ myị la Ọngọlahị lẹ aalẹ, oyoyi, á ka ju ọngọọwa kpá ẹnẹnẹhẹ kaka.” Chajị, ịngịngịhyẹ á ri ang ọdatị ẹ-ẹpwarịrị nya ala iJuu bala ala iJentayịlị ị-ịlahị nya Ohe Oluhye kpong-kpong ka. Chajị, Ọngọlahị ayịdang ookpokpo ọọwa a ri Ayịbaba nyahị ahị angị myịmyị wuu lẹ. Ọwa-à tị kaa chụ ụdụ nya ahị ọwawa nyamwụ wa kụrụụhị ahị angịlẹ wuu kahị kaa be ẹkọ wụrụ ẹnyị nyamwụ bwula ọmyịmyị ọlala nyahị lẹ. Chajị, ị da kpehe ụ-Ụpwụ Ịgọgọ yẹkẹẹ, “Ọng myị́ ọng ọlẹ wuu kọ juwa kpa ọmyịmyị ọlala be ẹkọ wụrụ ẹnyị nya Ọngọlahị lẹ aalẹ, ọngọọwa ka la ọchịda lẹ.”

Lee, anyanyị, angịnyị a tị́ ka juwa ya ẹla nya Ohe Oluhye pyẹ rụ́ Ọngọlahị ọọwa myị́, kọ ri ká Ohe Oluhye á daa ẹrụ kpehe ene ka? Chajị, ị da kpehe ụ-Ụpwụ Ịgọgọ yẹkẹẹ, “Anụ chẹhị kaka yẹ jaabwọ ká ẹpẹtẹ ọ-ba ọpyị nya angị ya ẹrụ ọnyịịla nya Ohe Oluhye pyẹ há ụhị lụmẹ kaka ba alẹ wẹẹ!”

Ma, anyanyị, angịnyị ehe a tị́ ka jẹ́-ẹ be ẹkọ wụrụ ẹnyị nya Ọngọlahị ọọwa myị́, kọ ri kị myị lọọ ene ka? Lee, anyanyị, ị tị́ ka jẹ́-ẹ myị la Ọngọlahị ọọwa myị́, kọ ri kị wo ẹlẹlẹhẹ chajị nyamwụ ene ka ịnyịnyị? Lee, anyanyị, angịnyị ehe a tị́ ka jẹ́-ẹ wo ẹla u-uhye nya Ọngọlahị ọọwa myị́, kọ ri ká angị ya ẹla nya Ohe Oluhye pyẹ, á ya jaa ene ka?

Chajị, ịKịrayịsị warị kaka mwụ ọngịrị nya ehile nya iMosisi angịrị, chajị ká Ohe Oluhye ka jẹ́-ẹ wa angịlẹ wuu kị myị la ịKịrayịsị ọọwa nya alabwẹla ọnyịịla ị-ịlahị nya ịlọmwụ lẹ.