Popular Bible Verses from UMÁTIYU 26

Share

Aá leyī kwɛɛcɛ kú aá kē gbɔ̄ɔkɔ kú Ɔwɔicō kóō cɛ̄ lɛ uwá jé áá má ŋ́. Ɔkwɔ̄ɔ̄kwɛ̄yi, odo le tútū, amáŋ ɔkpíyē ā le gbagbafú.”

Anɔ́ɔ ó da uwá kahíníī, “Ɔtūnōbí nɛ̄hi yɔ̄ ī yá um bɔ̄dā nɛ̄ géē kwú ā. Aá bá amānyā kú aá leyī kwɛɛcɛ mɛ́mla um.”

Abɔ̄ ó yɛ gɔbū lígíí ā, ó kwú okwúukwu ú kwajɛ lɛ eyī pīya klá ajɛ, anɔ́ɔ ó gbɔ̄ɔkɔ kahíníī, “Ádā um, ɔ́dāŋ́ koó tɔ́ɔtɛ́, yá kéē kwú íkókwū nyā ú ŋmá ɛgiyí um. Nááná ā, ó wɛ ɔdā nɛ̄ n tíne ā gáā yá ā ŋ́, amáŋ ɛ̄nɛ̄ a tíne ā kóō yá.”

Ohígbū ka ɛ̄nyā wɛ oyī kú um nēé pɛ́ bónū ohígbū odúúdú ācɛ cɛ́ɛ́ kú Ɔwɔicō kóō géē je íne nēé bīya ā yá uwā ɛhi á. Oyī nyā nɛ̄ Ɔwɔicō le gbɛka ɛ̄yīpɛ̄ mɛ́mla ācɛ ɔlɛ́ nū á.

Abɔ̄ é bá ī lé ɔdōlé ā, Ujísɔ̄si kwú igbō ú, ó lɛ ɔhā hɛ́ ce ɔ́, ó lɛ ɔ́ ce, anɔ́ɔ ó le je lɛ ayíkpó kú nū yɔ̄ ī kahíníī, “Aá mīyɛ kú aá lé. Ɛ̄nyā wɛ ɔkpíyē kú um á.”

Anɔ́ɔ ó kwú íkókwū ā ú, eko nōó lɛ ahínyá tá Ɔwɔicō kwɛyí ā, ó kwú ɔ̄ ú lɛ uwá anɔ́ɔ ó kahíníī, “Odúúdú aá, aá gwá.

Ó gā ɛgiyí ayíkpó ā, anɔ́ɔ ó má uwā bá ī gbɔlā, anɔ́ɔ ó da Upíta kahíníī, “Ayíka aá leyī kwɛɛcɛ mla um áwa ékpó glá ŋ́ kɛ̄ɛ?

“N̄ da aá ka, ŋmá abālɔbányā ń gáā gwá ejé kú īkpɔ̄cí ufáyin nyā gɛ ŋ́ jāā gbó ɛ̄cī ɔ́ɔmā nɛ̄ n géē gwá ɔ̄ ɛ̄yīpɛ̄ mɛ́mla aá ajɔ̄ɔ̄cɛ́ kú Ádā um ā.”

Anɔ́ɔ Upíta le blakwu ɛlā nɛ̄ Ujísɔ̄si ka ā kahíníī, “Gbɔbū ɛ́ɛ́ ká ɔbúgwū kóō tōgwú ā, a géē híhó ka anúɔ í je um ŋ́ igbɛ ɛtá.” Anɔ́ɔ ó nyɛ̄ɛ̄ le tá ɛcɛ gaá gbɔɔ́ ō jikwū nɛ̄hi á.

Aá cāŋjɛ ká ālɔ̄ nyɔ̄. Aá mɔ́ɔ̄ oyíbīyājɛ tū um ā yɔ̄ ajaajɛ amānyā.”

Ujísɔ̄si da ɔ́ kahíníī, “Kwú ɔkpacaŋ́gelī kú uwɔ ú wu apɛ́. Ohígbū ka odúúdú ācɛ nēe bī ɔkpacaŋ́gelī le ŋmó ācɛ ā, ɔkpacaŋ́gelī nēé géē le ŋmó uwā á.