Popular Bible Verses from Matthew 24

Share

Hī mīs kā wāḵā ās kla sa yāgā‐lazī, lāgītl klisā tlāwhilā‐lazī sa kīnum wudih‐īdi‐kl. Wa yiglā ḵī da lābundi kla kīs yāh‐īdikl, hī mīs qāqila‐āq klī.

Lā tā‐kl gada ēk‐ig wātldum sa īkē awīnāqīs lā‐kl nīgim kla ḵwā nāwhāḵ awīnāqīsa, kā māmātl‐tīkī klis nāwhā līlqala‐klāya; wa gāḵ wīs glā klī da qilbē kla.

Wudklilāk dāḵw um‐kl ḵa āsī ḵā hotlū kla, gla wī da wāwīnāḵs‐tāla kla: yāklaula qālā ḵwunḵwun tīkulas: kā oḵ da nāwhēḵs kīsā lasa īḵ īs hī qīh‐īdī, kīs um‐kl wīs glī da qilbē kla.

Kā ī da līlqala‐klā yāḵs hēkaulī‐kl gla wa ogwila līlqala‐klāya, hīmī sa numskum‐āq gla wa ogwuḵ‐sumāq: lā‐kl ḵā ī da poskā kla, lā‐kl ḵā oḵ dumlī‐whā klūḵ da awīnāqīs‐īḵ. Gēstā mīs gāla bī‐kl tsa tlālā‐wotlila kla.

Ḵā unwā‐yī lāḵā īkī gla wa awīnāqīs‐īḵ kīyok‐wī dikl, lā tin wātldamī‐lēla kīs‐kl kīyok‐wī da īnūḵ‐kl.

Kā īḵs kīnum‐ī klī da gāḵ kla lāḵun glīkum, nīkya, nūgwa‐um Christ; lā klī klīqitl tū dā mas kluḵ kīnum kla.

Lāk dāḵw klī tlālā‐wotlilā mas klūtl, lā‐kl ḵā ī tlilā mas klūtl: lāk dāḵw‐kl ḵā ās klīzitl klisa nāwhā līlqalā‐klāya kā un glīkum. Lā‐kl ḵā ī kīnum klī da wānīkā kla, lā‐kl ḵā ī lāḵodāpa‐kl, lā‐kl ḵā ī klī‐klisāpa‐kl. Kīnum tā klī da glīḵsāla‐būtla kla gāḵ‐kl, lā klī klī‐qitl tū dā mas‐kl ḵā kīnum kla.

Lī Jesus nānāḵmī nīk dāḵwuk, yāklaula kā kīyosīs baqānum klī‐qitl tū dā mas‐ūtl.

Kā īk ogwākāk dāḵw la qātlātlāḵ: kā ī da wāḵā‐zā kīlas kla sī yiḵīs kīs dāḵw kla ūs gīga‐īkutl‐kl, gāḵ dum klisa Kwanūqu sa baqānum.

¶ Kākā‐lāla lā kā‐īk: kāk dāḵwuḵs kīsa ā kūs kauklilāḵ nāla īnī klas gāḵ dum kla sīs Gīkumā yūs.

¶ Yiglā ḵī da nālā‐kla glū wāḵā zā kīlas klasī kīyos kauklilā kī, kīsī da angels sa sa īkē awīnāqīs, lā tī hīgā mun Umpa.

Kā īḵs gāḵī klī da kīnum kla Christ butla‐kl, gla wī da glīḵsāla būtla kla, lā klī doqā mas klisīs wunwun‐yhis kla qīgīlas‐kl ḵunḵunyā‐zīma kla; kās klīqitl tū dā masī, ko qīh‐īda ās nūq, lāḵo ḵī da kūgla‐qā.

Lāḵ qīxda‐mas baqānumk dum otlas Noah, hī um‐kl wīsī qīx klī gāḵ dum kla sa Kwanūqa sa baqānum. Kā ī da yēḵwuk sāk dum otla hamāp dāḵwā otla glūḵs nākā otla, kagāda nāqila otla tlāwāda nāqila otla, gāḵ āklil lāḵ lāk dum otlas Noah lāḵs lāḵā ark, Kīs kauklila ātl‐umḵs gāḵa ī da yeḵwuk sōtla, wīwalā masuk, hī um‐kl wīsī qīx‐kl ko gāḵ klī da Kwanūqa sa baqānum.