Popular Bible Verses from Matthew 23

Share

Wa yiglā ḵī da awīlā‐kī kla ūs hī‐um hīlū‐bātl zanī klūs.

Wa yiḵī da qilīxum kla īkyāla mas kla ḵīs naukā‐yī banīstā‐mazū klī naukā‐yas; lā tī īkīstā‐mazū klī da īs klumka.

Kī‐kyālasū ā yūtl scribes glū Pharisees, klīk‐klaqis! kāk dāḵwuḵs hatlākā ā kūs kā ī da mint gla wa anise gla wa cummin, las wāk‐mūtā um ḵā awīla‐kāyī wātldum sa Bible, ḵā ēgālazī, ḵā wīwāḵ‐bazā lazī, gla wa oqizā‐lazī: ga mīsis uḵ sūk dāḵw lāḵs dik, glū kīs wāk‐mūtā um ḵā ogwila īs uḵa‐qā.

Kī‐kyālasū ā yūtl scribes glū Pharisees, klīk‐klaqis! kāk dāḵwuḵs ēksuma sa āḵ ōskumā‐ya sa qāstā gla wī da ḵulqā, lā glā tā kūtā ḵā tlīnama gla wa autlīta.

A Jerusalem, Jerusalem, yūtl kyīlā‐kyā ḵā prophets wotla, nāpāpa ḵād ḵā yālākum otla lūtl, wī zin lā wāḵā puna wāh kāpīko ḵūs sāsumā kūs, hī um qīgīlī da kākā‐ū wāḵs kāpīko ā ḵīs sāsum lāḵ bībanā‐zayā sīs paglum, kīs dāḵw tas hītl‐kāla!

Hī mī sis gāḵ qīx dāḵwī ogwākā ēk sta āq lāḵ baqānum, lā glā tūs āwākīk dāḵwā kūs kūtāḵ klī‐qāyī gla wa yēkīnā‐yī.