Popular Bible Verses from KOLOSSA 2

Share

Chuvângin, Krista Isua, Lalpa chu in lâwm ang khân, amaha zung kai leh rem chhoh deuh deuhva awmin, an zirtîr che u ang khân in rinnaah chuan nghet taka awmin, lâwmthu sawi lo uarin, amahah chuan awm rawh u.

Fîmkhur rawh u; chuti lo chuan, tu pawhin Krista thu ang ni lovin, mihring thurochhiah leh khawvêl A AW B ang zâwkin, an thufing leh bumna mai maiin râllâkin an la dah ang che u.

Tin, nangni in bawhchhiatnate leh in tisaa serhtan lohna avângin thi in lo ni a, nangmahni ngei chu amah nên a tinung che u a nih kha; kan bawhchhiatna zawng zawngte min ngaidam a, batna lehkha thupêka ziak, kan chunga awm, min dodâl ṭhîna chu a thai bo tawh si a: chu ngei chu kraws-a khêng betin a la kiang ta a

Amahah chuan Pathian famkimna tinrêng chu taksa neiin a awm reng si a. Amahah chuan in famkim ta bawk a; ani chu lalna leh thuneihna zawng zawng lû a ni.

Chutichuan, ei thûah emaw, in thûah emaw, kût ni thûah emaw, thla thar thûah emaw, Chawlhni thûah emaw tu mân sawisêl che u suh se; chûng chu thil lo thleng tûrte hlim a ni, a tak erawh chu Krista ta a ni.