Popular Bible Verses from KOLOSSA 1

Share

Ani chuan thim thuneihna laka min chhan chhuakin, a Fapa hmangaih taka ramah chuan min kaitîr ta a

amahah chuan engkim siam a ni a, vâna awmte, leia awmte nên, hmuh theihte, hmuh theih lohte nên, lalṭhutphahte pawh, rorêlnate pawh, lalnate pawh, thuneihnate pawh; engkim ama siam a ni, ama ta tûr bawka siam a ni

tin, ani hi chu engkim awm hmain a awm rêng a ni, amahah chuan engkim a ding ho bawk a ni.

Ani chu hmuh theih loh Pathian anpui, thilsiam zawng zawnga piang hmasa ber chu a ni a

Chumi avâng chuan thlarau lam finna leh hriat theihna zawng zawng kawngah ama duh zâwng hriat famkimnaah chuan in lo khah theih nân, kan hriat ni achin chu keini pawhin ṭawngṭai leh dîlsak che u kan bâng lo. Chutichuan, hnathawh tinrênga lo rahin, Pathian hriat famkimna kawnga lo sâwt deuh deuhvin, hlim taka chhelna leh dawhtheihna tinrêng nei tûra a ropuina chakzia ang zêla chakna tinrênga lo chakin, Pa, ênga mi thianghlimhote ro chu ṭâwm ve tlâka min rawn siamtu hnênah chuan lâwmthu hrilin, kawng tinrênga amah tilungawi tûrin Lalpa zui tlâkin in awm thei ang.