Popular Bible Verses from Psalms 31

Share

So evribody wey put dia trust for God hand, make una nor fear, instead make una get strong mind!

My future dey yor hand. Make Yu save mi from my enemies pawa, bikos dem won kill mi.

Si as yor favor great rish; di one wey Yu keep for doz wey dey fear Yu. Yu dey pour dem on pipol wey kom make Yu protet dem and Yu dey bless dem for evribody front.

But my Oga God, I trust Yu, bikos na Yu bi my God!

Na Yu bi my rock and my guide. Bikos of di honor wey yor name get, make Yu take mi komot from wahala.

I don put my life for yor hand. So Oga God, make Yu diliver mi, bikos Yu bi God wey dey faithful.

All of una wey dey fear and obey God, make una love am! Bikos God dey protet pipol wey dey loyal to am, but E dey vex ponish doz wey dey do wiked tins.

My God, na Yu dey protet mi; so make Yu nor let pipol disgrace mi. Make Yu save mi, bikos Yu dey always do di rite tin.