Popular Bible Verses from Matiu 6

Share

But make una first do di good tins wey God wont and evry oda tin go bi una own.

So make una nor worry about tumoro, bikos tumoro get en own wahala. Today trobol don do.”

“So I tell una, make una nor worry about una life, wetin una go chop or drink and wetin una go wear for body. Life nor big pass food? Abi body nor betta pass klot?

But wen una dey pray, make una go inside room, klose di door and pray to una Papa for sekret. And una Papa wey dey si for sekret, go reward una for pipol present.

“So make una pray like dis: “ ‘Awa Papa wey dey for heaven, wi praiz yor name, make yor Kingdom kom, make wetin yu wont, happen for dis world as e bi for heaven.

Give us di food wey wi go chop evriday

forgive us all di bad-bad tins wey wi don do, as wisef dey forgive odas di bad tins wey dem do us.

Nor allow us enter temptashon, but make yu save us from bad tins.’

If una forgive oda pipol di bad tins wey dem do una, una Papa wey dey for heaven go forgive una too.

Make una look di birds wey dey fly for sky, dem nor dey plant or put anytin wey dem gada inside store, but una Papa for heaven dey feed dem. Una nor betta pass dem?

“Make una nor just gada propaty for dis world, bikos siti-siti go chop dem or dem go rust or tif fit enter inside di house tif dem. But make una gada betta tins for unasef for heaven, where siti-siti nor go for fit chop dem and dem nor go rust and tif nor go fit enter tif dem, bikos, where una propaty dey, na der una heart go dey too.

“Nobody go fit serve two oga, e go hate one kon love di oda one, or e go serve one with all en heart and nor respet di oda one. Nobody go fit serve God and money for di same time.

If God make grass fine like dis, grass wey una go si today and tumoro dem go trow am for fire, E nor go dress una pass dem? Una faith small well-well o-o.

But wen una dey give, make una nor let una left hand know wetin una rite hand give. So dat una gift, go dey sekret and una Papa wey dey si for sekret, go reward una.”

“Make una nor dey do good bikos una wont make pipol si una; if una do so, God nor go pay una for di good wey una do.

“Wen una dey fast, make una nor skwiz una face like pipol wey dey pritend, so dat pipol go si sey dem dey fast. I tell una true word, dem don already get dia full reward. But wen una dey fast, make una wosh and rub pomade for una face, so dat odas nor go know sey una dey fast, but only una Papa wey dey for sekret go know. And una Papa wey dey si for sekret, go reward una.”