Popular Bible Verses from John 15

Share

“Na mi bi di vine and na una bi di branches dem. Di pesin wey stay inside mi and I stay inside am, go bear plenty fruit, bikos without mi, una nor go fit do anytin.

Make una dey inside mi, so dat I go dey inside una too. As di branches nor fit bear fruit with en own pawa unless e dey inside di vine, na so una nor go fit bear fruit, unless una dey inside mi.

If una stay inside mi and my word dey inside una, anytin wey una ask, I go do am for una.

Nor bi una choose mi, but na mi choose una. Bikos of dat, I don give una pawa to bear fruit wey go last, so dat my papa go give una anytin wey una ask am for my name.

E nor get love wey big rish di one wey make pesin die for en friend.

E dey kut evry branches wey nor dey bear fruit for my body komot and e dey ripair evry branch for my body wey dey bear fruit, so dat e go bear more fruit.

Dis na di kommand wey I give una sey, ‘Make una love each oda di way I love una.’

My Papa go get big honor if una bear plenty fruit, wey go show sey una bi my disciples.

“Na mi bi di korrect vine and na my Papa bi di gardina.

Anybody wey nor stay inside mi, go dry and pipol go gada en branches dem, trow and burn dem inside fire.

I don tell una all dis tins, so dat my joy go dey inside una and una joy go full well-well.

If una do wetin I tok, I go love una, just as I dey obey wetin my Papa tok and E love mi.

Wetin I dey tell una bi sey, ‘Make una love each oda.’ ”

If una bi friend with di pipol for dis world, dem go love una as dia own pipol. But una nor bi dia friend, bikos I don choose una from di world, naim make dem nor like una.