Popular Bible Verses from John 14

Share

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

Jesus ansa am, “Na mi bi di road, di trut and life. Nobody go fit go meet my Papa, unless e pass thru mi.

“Make una nor let anytin worry una mind. Since una bilive God, make una still bilive mi.

But di pesin wey go help una na di Holy Spirit, wey my Papa go send kom for my name. E go tish una evritin and e go help una remember evritin wey I don tell una.

Anybody wey hear and do wetin I tok, love mi. Di pesin wey love mi, mi and my Papa go love am too and I go show am who I bi.”

Den I go ask my Papa and E go send una anoda Pesin wey go help and stay with una forever. Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

And anytin wey una use my name ask, I go do am, so dat pipol go honor di Papa bikos of en pikin. If una ask anytin with my name, I go do am for una.

“If una love mi, una go do wetin I tok.

Many rooms dey for my Papa house and I dey go prepare place for una to stay, if nor bi so, I for tell una.

Wen I don finish, I go kom take una, so dat una go stay with mi for where I dey.

Tomas ask am, “Oga God, wi nor know where yu dey go, how wi go take know road?”