Popular Bible Verses from Deutronomi 6

Share

So una must love di Oga una God with all una heart, all una soul and all una pawa.

and una must tish una shidren kon tok about am as una sidan for house; dey waka for road; dey sleep or wen una wake-up.

Dis word wey I dey kommand una about today so, una must keep am for una mind

Israel pipol! Make una listin! Di Oga na awa God and God na one!

Make una tie dem for una hand kon wear dem for una fore head, so dat una go dey remember dem.

Make una write dem for una gate and door-mot.

Una must fear di Oga una God kon serve am. Una must use only en name take swear.

Den wen di Oga una God take una enter di land wey E promise una grand-grand papa, Abraham, Isaak and Jakob sey E go give una; di land wey get big and fine-fine towns wey una nor build at-all and house where betta tins full, tins wey una nor buy with una hand. For di land, una go fetch wota from well wey una nor dig and una go chop from vineyards and olive trees wey una nor plant, so make una dey kareful, so dat una nor go forget God wey take una komot Egypt.

Dis na di kommandment, statutes and ordinances wey Oga God give mi make I tish una and una must obey and do dem for di land where una dey go. Una go make sure sey una respet Oga God and obey all en statutes and kommandments wey I dey give una – una, una shidren and grand-shidren – go obey am with all una life so dat una go get long life.

Make una always dey do wetin dey rite and good for God eye, so dat evritin go dey well with una, den una go enter and stay for di good land wey God promise sey E go give una grand-grand papa.

bikos di Oga una God wey dey here with una, dey jealous well-well and en vexnashon go kill and porshu evry oda tin, until E go distroy wiked pipol and sinnas komot from dis eart.

Una must nor woship any of una neighbour gods apart from God ensef

Make una nor test di Oga una God, just as una do wen una dey for Massah.