Popular Bible Verses from Deutronomi 5

Share

Make una honor una papa and mama, just as di Oga una God don kommand una, so dat una go get long life and e go dey well with una for di land wey E won give una.

Make una dey do just as E kommand una, so dat una nor go die; evritin go dey well with una and una go stay long for di land wey una dey go.

Make una nor woship or serve dem, bikos mi wey bi una God dey jealous well-well. I go ponish una shidren and shidren-shidren for di sin wey dia papa kommit, but I go show my mesi thru di kovenant to doz wey choose, obey and keep my kommand.

Make una nor make any juju with anytin wey dey heaven; eart or for inside wota.

Make una nor serve any oda god escept mi.

Make una nor use di Oga una God name take make yeye, bikos God nor go sorry for anybody wey use en name anyhow.

If to sey dem go just gri fear mi and obey all my kommand, e for dey well with dem and dia shidren-shidren forever.

Una must obey di Sabat Day, just as di Oga una God kommand una.

Make una nor dey like anoda pesin wife or husband, or sey yu like to take pesin house, land, savants, animal or any oda tin.”

Make una nor sleep with who nor bi una husband or wife.

Make una nor lie for pesin head.

Make una nor kill.

Make una nor tif.

Remember sey una bi savant for Egypt and na di Oga una God take una komot der with en strong pawa. Na dis make God sey make una dey keep di Sabat Day.

Una fit work and do evritin wey una won do for six days, but for di sevent day, una must nor do any work. Dis mean sey, both unasef, una shidren, una savants, una animals or di strenjas wey dey with una, evribody must rest for dat day.

God sey, “Na mi bi di Oga wey bi una God, di One wey take una komot from Egypt where una for bi slave.