Popular Bible Verses from ISAIJA 49

Share

Tista’ mara tinsa t-tarbija tagħha, u ma tħennx għal bin ġufha? Imqar jekk din tinsa, jien ma ninsiek qatt!

Ara! Naqqaxtek fuq kefef idejja; ħitanek dejjem quddiemi.

Għax dan jgħid il-Mulej: “Iva! Jittieħdu l-ilsiera minn id il-qawwi; il-priża tat-tirann tinħeles. U jiena stess neħodha ma’ dawk li ħaduha miegħek, u jiena stess insalva lil uliedek.

Hu qalli: “Tkun ħaġa żgħira wisq għalik, li inti tkun il-qaddej tiegħi, biex tqajjem it-tribù ta’ Ġakobb, u traġġa’ lura l-fdal ta’ Iżrael. Jien nagħmel minnek dawl għall-ġnus, biex is-salvazzjoni tiegħi sa truf l-art tinfirex.”

Għannu, o smewwiet, aqbeż bil-ferħ, o art, infexxu fl-għana, o muntanji! Għax farraġ il-Mulej lill-poplu tiegħu; u ħenn għall-imsejknin tiegħu!