Popular Bible Verses from प्रस्थान 32

Share

मोशा कोंउँइँले युब क्हैन् लब म्रोंसि इस्राएलीमैं हारून ङाँर खागु तसि “ङिलाइ मिश्र ह्‍युलउँइँले तेइ पखबै मोशालाइ तो तइ ङिइ आसे। छतसि रेद्, ङिए ओंसों-ओंसों घ्याँ तेंबर देवता घ्रि बनेमिंन्,” बिबर होंइ।

छलब् म्रोंसि याहवेहजी मोशाने बिइ, “क्हि युनन् क्युरु ह्‍याद्, तलेबिस्याँ क्हिइ मिश्रउँइँले तेइ पखबै क्हिए म्हिमैंइ पाप लसि ङलाइ म्हाँदिब पिवाइमुँ। ङइ प्रबर ल्हैदिबै घ्याँ चमैंइ च्हौ युनन् पिवासि अर्कोन् घ्याँ प्रइमुँ। चमैंइ ह्रोंसए ल्हागिर क्ल्या भाराए कु बनेसि चलाइन म्हाँदिसि ख्रो पिंसि, ‘ओ इस्राएलीमैं, क्हेमैंलाइ मिश्र ह्‍युलउँइँले तेइ पखबै क्हेमैंए देवता चुन् ग’ बिइमुँ।”

छतसि हारूनइ माराए क्ल्या भाराए ओंसों ख्रो पिंबै क्ल्ह्‍यो घ्रि बनेसि बिइ, “प्हन्हाँग याहवेहए मिंर चाड घ्रि म्हाँदिब्मुँ।” प्हँन्हाँग्धों म्हिमैं न्हाँकर्न रेसि मिर ख्रोंसि पिंबै खेदोमैं नेरो क्ह्रिमिंबै भेटिमैं बोसि ख्रो पिंइ। झाइले चमैं चब् थुँब् लसि मोज लबर होंइ।

प्हँन्हाँग्धों मोशाइ म्हिमैंने बिइ, “क्हेमैंइ थेबै पाप लइमुँ। क्हेमैंइ लबै पापए क्षमा ह्रिबर तारे ङ याहवेह ङाँर ह्‍यामुँ।”