Popular Bible Verses from प्रस्थान 31

Share

“ङइ यहूदाए कुलर्बै हुरए क्वें नेरो ऊरीए च्ह बजलेललाइ त्हाँइमुँ। ङइ चलाइ परमेश्‍वरए प्ल्हजी प्लिंसि ह्रब सेब नेरो ताँन् खालर्बै के लल् ह्रबै सिप पिंइमुँ। चइ मारा, चाँदि नेरो काँसार नक्सा प्ह्रिब, छलेन हिरा थोसि जोड्दिब, सिंर बुट्टा झोंब नेरो अरू ल्हें खालर्बै बुट्टा झोंबै केमैं लरिगे बिसि चलाइ त्हाँब् ग।

“क्हिइ इस्राएलीमैंने चु या बिद्, प्रिबै त्हिंइ ङए भों न्हबै त्हिंइ ग। छतसि क्हेमैंइ खैले बिलेना प्रिबै त्हिंइर के आलद्। क्हेमैंलाइ पबित्र लमिंम् बिसि क्हेमैंइ सेरिगे बिसि, क्हेमैं नेरो ङए म्हाँजोर चु प्रिबै त्हिंइ खोंयोंन् बिलै चिनु घ्रि तब्मुँ।

इस्राएलीमैंए म्हाँजोर चु प्रिबै त्हिंइ खोंयोंन् बिलै तबै चिनु घ्रि तब्मुँ, तलेबिस्याँ याहवेहजी टुगैं न्होंर मु नेरो पृथ्‍बी बनेइ, धै ङिगैंर भों न्हइ।”